କୁଲ୍ଲୁ: ପ୍ଲାଷ୍ଟିକରୁ ନିଆରା କାରିଗରୀ । ଅଦରକାରୀ ପ୍ଲାଷ୍ଟିକରୁ ପ୍ରସ୍ତୁତ ହେଉଛି ଭଳିକି ଭଳି ସାମଗ୍ରୀ । ଯାହାକୁ ତିଆରି କରୁଛନ୍ତି ହିମାଚଳପ୍ରଦେଶରେ ରହୁଥିବା କଳ୍ପନା ଠାକୁର । ତାଙ୍କ ହାତସ୍ପର୍ଶରେ ଅଦରକାରୀ ପ୍ଲାଷ୍ଟିକ ଗୁଡିକ ଯେମିତି ଜୀବନ୍ତ ହୋଇଉଠୁଛି । ଯାହା ଆଖିରେ ନ ଦେଖିଲେ ବିଶ୍ବାସ କରିହେବନି ।
କଳ୍ପନାଙ୍କ ପ୍ରୟାସ, ଅଦରକାରୀ ପ୍ଲାଷ୍ଟିକରୁ କଳାକୃତି
ପ୍ଲାଷ୍ଟିକ ବର୍ଜ୍ୟବସ୍ତୁରୁ ନିଆରା କଳାକୃତି । ପ୍ଲାଷ୍ଟିକ ସମସ୍ୟା ଶେଷ କରିବାକୁ ହିମାଚଳ ପ୍ରଦେଶ ମନାଲିରେ ରହୁଥିବା କଳ୍ପନା ଠାକୁରଙ୍କ ଅଭିନବ ପଦକ୍ଷେପ । ଅଦରକାରୀ ପ୍ଲାଷ୍ଟିକକୁ ପୁନଃବ୍ୟବହାର କରି ସେଥିରୁ ସେ ପ୍ରସ୍ତୁତ କରୁଛନ୍ତି ବିଭିନ୍ନ କଳାକୃତି । ଏହାସହ ଲୋକଙ୍କୁ ପ୍ଲାଷ୍ଟିକର ଭୟାବହତା ସମ୍ପର୍କରେ କରୁଛନ୍ତି ସଚେତନ । କଳ୍ପନାଙ୍କ ଏହି ପ୍ରୟାସ ବିଭିନ୍ନ ମହଲରେ ପ୍ରଶଂସା ସାଉଁଟୁଛି ।