ରାୟପୁର: ସାଇକେଲରେ ଯାତ୍ରା କରି ହେରାଲ୍ଡଙ୍କ ରେକର୍ଡ। ସରକାରୀ ଚାକିରି ଛାଡ଼ି ସଉକ ନିଶାରେ ଛତିଶଗଡ଼ର ଯୁବକ ହେରଲ୍ଡ ମାସିହ । ନିଜ ସଉକ ପୁରା କରିବା ପାଇଁ ସେ ସାଇକେଲରେ ମନାଲୀରୁ ଖାରଦୁଙ୍ଗଲା ପର୍ଯ୍ୟନ୍ତ ଯାତ୍ରା କରି ରେକର୍ଡ କରିଛନ୍ତି ।
ଏକ ସାକ୍ଷାତକାରରେ ହେରାଲ୍ଡ କହିଛନ୍ତି କି ସେ ଜଣେ ଇଞ୍ଜିନିୟର । ଇଲେକ୍ଟ୍ରିକାଲ ବିଭାଗରେ ଇଞ୍ଜିନିୟରିଂ କରିଛନ୍ତି । ଶିକ୍ଷା ଶେଷ ପରେ ସେ ଭାରତୀୟ ଡାକରେ ପୋଷ୍ଟାଲ ଆସିଷ୍ଟାଣ୍ଟ ଭାବେ ଚାକିରି କରୁଥିଲେ । ମାତ୍ର ଏହି ଚାକିରି ଜୀବନ ମଧ୍ୟରେ ସେ ନିଜର ସଉକ ପୁରଣ କରିବାରେ ବିଫଳ ହେଉଥିଲେ । ଫଳରେ ସେ ଗତ ମାର୍ଚ୍ଚ ମାସରେ ଚାକିରିରୁ ଇସ୍ତଫା ପ୍ରଦାନ କରିଥିଲେ ।
ଏହା ସହିତ ସେ ଆହୁରି ମଧ୍ୟ କହିଛନ୍ତି ଯେ, ସେ ଜାତୀୟ ସ୍ତରରେ ଆଡଭେନଚର ସାଇକେଲ କାର୍ଯ୍ୟକ୍ରମର ମଧ୍ୟ ଆୟୋଜନ କରିଥାନ୍ତି । ଏହା ମାଧ୍ୟମରେ 28 ବର୍ଷୀୟ ହେରଲ୍ଡ ମନାଲୀରୁ ସାଇକେଲରେ ଯାତ୍ରା ଆରମ୍ଭ କରି ଖାରଦୁଙ୍ଗଲା ପର୍ଯ୍ୟନ୍ତ ଯାତ୍ରା କରିଥିଲେ । ମନାଲୀରୁ ଖାରଦୁଙ୍ଗଲାର ଦୂରତା ପାଖାପାଖି 550 କିଲୋମିଟର । ଏହି ଦୂରତାକୁ ସେ ମାତ୍ର 11 ଦିନରେ ଅତିକ୍ରମ କରିଥିଲେ । ଏହି ଯାତ୍ରାରେ 105 ଜଣ ଲୋକ ସାମିଲ ହୋଇଥିଲେ । ତେବେ ସେମାନଙ୍କ ମଧ୍ୟରୁ ମାତ୍ର 20 ଜଣ ଲୋକ ହିଁ ଖାରଦୁଙ୍ଗଲାରେ ପହଞ୍ଚି ପାରିଥିଲେ ବୋଲି ସେ ସୂଚନା ଦେଇଛନ୍ତି ।