ଗାନ୍ଧୀନଗର: କୋରୋନା ଭାଇରସ ଲକଡାଉନ ପାଇଁ ଗୁଜୁରାଟ ସରକାର 60 ଲକ୍ଷ ପରିବାରକୁ ମୁକ୍ତ ରାସନ ସାମଗ୍ରୀ ଯୋଗାଇବେ । ଜାତୀୟ ଖାଦ୍ୟ ସୁରକ୍ଷା ଯୋଜନାରେ ସାମିଲ ନଥିବା ପରିବାରକୁ ଏହି ମାଗଣା ରାସନ ଯୋଗାଇ ଦିଆଯିବ ବୋଲି ମୁଖ୍ୟମନ୍ତ୍ରୀ ବିଜୟ ରୂପାନି କହିଛନ୍ତି ।
ଗୁଜୁରାଟ ମୁଖ୍ୟମନ୍ତ୍ରୀ କହିଛନ୍ତି, ‘ଆମେ ନିଷ୍ପତ୍ତି ନେଇଛୁ ଯେ ଜାତୀୟ ଖାଦ୍ୟ ସୁରକ୍ଷା ଯୋଜନାରୁ ବାଦ ପଡିଥିବା ଲୋକଙ୍କୁ ତଥା ଦାରିଦ୍ର୍ୟ ସୀମାରେଖା ତଳେ ଥିବା ଲୋକଙ୍କୁ ବର୍ତ୍ତମାନ 10 କିଲୋଗ୍ରାମ ଗହମ, 3 କିଲୋଗ୍ରାମ ଚାଉଳ, 1 କେଜି ଡାଲି ଓ 1 କିଲୋଗ୍ରାମ ଚିନି ମୁକ୍ତ ଭାବରେ ପ୍ରଦାନ କରାଯିବ ।’ ଏଥିରେ ମୋଟ 60 ଲକ୍ଷ ପରିବାର ଉପକୃତ ହେବେ ବୋଲି ରୂପାନି କହିଛନ୍ତି ।