ବିଷ ପିଇବେ ରାହୁଲ !

ବିଷ ପାନ କରି ବିରୋଧୀଙ୍କୁ ଶିବ ଅବତାରର ପ୍ରମାଣ ଦିଅନ୍ତୁ ରାହୁଲ।

ନୂଆଦିଲ୍ଲୀ: ଲୋକସଭା ନିର୍ବାଚନ ଯେତିକି ପାଖେଇ ଆସୁଛି ନେତାଙ୍କ ବୟାନ ବାଜି ସେତିକି ସୀମା ଲଙ୍ଘୁଛି। ଏହି ଧାଡିରେ ଗୁଜରାଟମୁଖମନ୍ତ୍ରୀ ବିଜୟ ରୂପାଣୀଙ୍କ ପରେ ତାଙ୍କର ଜଣେ ମନ୍ତ୍ରୀ ମଧ୍ୟ ସାମିଲ ହୋଇଛନ୍ତି। ଗୁଜୁରାଟସରକାରଙ୍କ ଆଦିବାସୀ ବିକାଶ ମନ୍ତ୍ରୀ ଗଣପତି ଭାଇ ୱସାବା ରାହୁଲ ଗାନ୍ଧିଙ୍କୁ ଶିବଙ୍କ ଅବତାର ହୋଇଥିବା ପ୍ରମାଣ ଦେବା ପାଇଁ ଅଧକିଲୋ ବିଷ ପିଇବା ପାଇଁ ଚ୍ୟାଲେଞ୍ଜ ଦେଇଛନ୍ତି।

ସୋମବାର ସୁରଟର ବାରଡୋଲିରେ ଆୟୋଜିତ ବିଜୟ ସଂକଳ୍ପ ସମାରୋହରେ ଗଣପତି କହିଛନ୍ତି ଯେ ‘ରାହୁଲ ଗାନ୍ଧୀଙ୍କ ସମର୍ଥକ ତାଙ୍କୁ ଭଗବାନ ଶିବଙ୍କ ସାକ୍ଷାତ ଅବତାର ବୋଲି କହୁଛନ୍ତି। ତେବେ ଭଗବାନ ଶିବ ତ ସାରା ସଂସାରର କଲ୍ୟାଣ ପାଇଁ ବିଷ ପିଇଥିଲେ। ରାହୁଲଙ୍କ ସମର୍ଥକ ମଧ୍ୟ ରାହୁଲଙ୍କୁ 500 ଗ୍ରାମ ବିଷ ପିଆଇ ଦିଅନ୍ତୁ, ଲୋକସଭା ନିର୍ବାଚନ ପାଖେଇ ଆସୁଛି, ଯଦି ସେ ବଞ୍ଚି ଯାଆନ୍ତି ତେବେ ଆମେ ମାନି ନେବୁ ଯେ ସେ ଭଗବାନ ଶିବଙ୍କ ଅବତାର।

ଏପରି ଆଉ ଏକ ବୟାନ ଦେଇଥିଲେ ବିଜେପିର ଆଉ ଜଣେ ନେତା କମଲ ପଟେଲ, ସେ କହିଥିଲେ ‘ରାହୁଲ ବିଷ ପିଇ ପ୍ରମାଣ କରନ୍ତୁ ଯେ ସେ ଭଗବାନ ଶିବଙ୍କ ଭଳି ପୂଜା ପାଇବାର ଯୋଗ୍ୟ।’

କଂଗ୍ରେସ ସବୁବେଳେ ସବୁ କଥାରେ ପ୍ରମାଣ ମାଗୁଛି। ଏବେ ଆମକୁ ମଧ୍ୟ ପ୍ରମାଣ ଦରକାର। ଯଦି କଂଗ୍ରେସ କହୁଛି ରାହୁଲ ଶିବଙ୍କ ଅବତାର ତେବେ ତାଙ୍କୁ ସେମାନେ ବିଷ ଦିଅନ୍ତୁ। ସେ ବଞ୍ଚିଗଲେ ଆମେ ମଧ୍ୟ ତାଙ୍କୁ ପୂଜା କରିବୁ।’ ବୋଲି କହିଛନ୍ତି ପଟେଲ।

ମଧ୍ୟପ୍ରଦେଶରେ ବିଭିନ୍ନ ପୋଷ୍ଟରେ ରାହୁଲ ଗାନ୍ଧିଙ୍କୁ ହିନ୍ଦୁ ଭଗବାନ ଭାବେ ସ୍ଥାନ ଦିଆଯିବା ପରେ ଏପରି ବୟାନ ବାଜି ହୋଇଛି।