ଆତ୍ମନିର୍ଭର ଭାରତ ଅଭିଯାନ: ନୂତନ ଶିଳ୍ପ ନୀତି ଘୋଷଣା କଲେ ଗୁଜୁରାଟ ସରକାର

ଆତ୍ମନିର୍ଭର ଭାରତ ଅଭିଯାନ ଅନୁଯାୟୀ, ନୂତନ ଶିଳ୍ପ ନୀତି ଘୋଷଣା କଲେ ଗୁଜୁରାଟ ସରକାର। ଗାନ୍ଧିନଗରରେ ଏକ ସାମ୍ବାଦିକ ସମ୍ମିଳନୀରେ ମୁଖ୍ୟମନ୍ତ୍ରୀ ବିଜୟ ରୁପାନି ଏହି ନୂତନ ନୀତି ଘୋଷଣା କରିଛନ୍ତି। ଅଧିକ ପଢନ୍ତୁ...

ଗାନ୍ଧୀନଗର: ଆତ୍ମନିର୍ଭର ଭାରତ ଅଭିଯାନ ଅନୁଯାୟୀ, ନୂତନ ଶିଳ୍ପ ନୀତି ଘୋଷଣା କଲେ ଗୁଜୁରାଟ ସରକାର । ଏକ ସାମ୍ବାଦିକ ସମ୍ମିଳନୀରେ ମୁଖ୍ୟମନ୍ତ୍ରୀ ବିଜୟ ରୁପାନି ଏହି ନୂତନ ନୀତି ଘୋଷଣା କରିଛନ୍ତି। ସେ କହିଛନ୍ତି ଯେ ନୂତନ ଶିଳ୍ପ ନୀତି, କୋର ସେକ୍ଟର ଏବଂ ସନରାଇଜ ସେକ୍ଟରର 15 ଟି ଥ୍ରଷ୍ଟ ଅଞ୍ଚଳରେ ବିଭକ୍ତ । ତେବେ କୋର ସେକ୍ଟରର ଥ୍ରଷ୍ଟ ଅଞ୍ଚଳରେ ଇଲେକ୍ଟ୍ରିକାଲ୍ ଯନ୍ତ୍ରପାତି ଏବଂ ଉପକରଣ, ଶିଳ୍ପ ଯନ୍ତ୍ର ଏବଂ ଉପକରଣ, ଅଟୋ ଅଂଶ, ସେରାମିକ୍ସ, ବୈଷୟିକ ବସ୍ତ୍ର, କୃଷି ଏବଂ ଖାଦ୍ୟ ପ୍ରକ୍ରିୟାକରଣ, ଫାର୍ମାସ୍ୟୁଟିକାଲ୍ସ ଏବଂ ମେଡିକାଲ୍ ଉପକରଣ, ରତ୍ନ ଏବଂ ଅଳଙ୍କାର ଏବଂ ରାସାୟନିକ ପଦାର୍ଥ ରହିବ।

ସେହିପରି ସନରାଇଜ ସେକ୍ଟରରେ ଇଣ୍ଡଷ୍ଟ୍ରି 4.0 ଉତ୍ପାଦନ, ବୈଦ୍ୟୁତିକ ଯାନ ଏବଂ ଏହାର ଉପାଦାନ, ବର୍ଜ୍ୟବସ୍ତୁ ପରିଚାଳନା ପ୍ରକଳ୍ପ, ସୌର ଏବଂ ପବନ ଯନ୍ତ୍ରପାତି ସହିତ ସବୁଜ ଶକ୍ତି ଏବଂ ପାରମ୍ପାରିକ ପ୍ଲାଷ୍ଟିକର ବିକଳ୍ପ ପାଇଁ ଇକୋ-ଫ୍ରେଣ୍ଡଲି ଖାଦ ସାମଗ୍ରୀ ରହିବ । ଗଣମାଧ୍ୟମ ରିପୋର୍ଟ ଅନୁଯାୟୀ, ନୂତନ ଶିଳ୍ପ ନୀତି 2020 କେନ୍ଦ୍ରର ଆତ୍ମନିର୍ଭର ଭାରତ ଅଭିଯାନର ଅନୁରୂପ ଅଟେ । ଏହି ନୂତନ ନୀତି ପୁରୁଣା ନୀତିକୁ ବଦଳାଇବ ଯାହା 31 ଡିସେମ୍ବର 2019ରେ ସମାପ୍ତ ହୋଇଯାଇଛି ।