ମଦ୍ୟପାନ କରୁଥିବା କାଉଡିଆଙ୍କ ଭିଡିଓ ଭାଇରାଲ

ନୂଆଦିଲ୍ଲୀର ଏକ କାଉଡିଆ ଦଳ ମଦ ପିଉଥିବାବେଳେ ଭିଡିଓ ଭାଇରାଲ ହୋଇଛି । ସେମାନଙ୍କ ବିରୋଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଏଏସପି ।

ନୂଆଦିଲ୍ଲୀ: ଚାଲିଛି ଶ୍ରାବଣ ମାସ । କାଉଡିଆ ଭକ୍ତ ମାନେ ପାଣି ଭାର ଧରି ନିଜର ମାନସିକ ପୂରଣ କରିବାପାଇଁ ଭଗବାନ ଶିବଙ୍କ ଉପରେ ଜଳାଭିଷେକ କରୁଛନ୍ତି । ତେବେ ରାଜଧାନୀ ଦିଲ୍ଲୀରେ କିଛି କାଉଡିଆ ଭକ୍ତ ମାନଙ୍କ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ସେମାନେ ମଦ ପିଉଥିବାର ଦେଖିବାକୁ ମିଳିଛି ।

ତେବେ ଭିଡିଓଟି ହେଲା ହାପୁଡର ଗଡ ମୁକ୍ତେଶ୍ବର ଘାଟର । ଏକ କାଉଡିଆ ଦଳ ହାତରେ ମଦ ବୋତଲ ଧରି ପିଇବାରେ ବ୍ୟସ୍ତ ଅଛନ୍ତି । ଏହି ଭିଡିଓ ଭାଇରାଲ ହେବାପରେ ଏଏସପି ସର୍ବେଶ ମିଶ୍ରା କହିଛନ୍ତି ଯେ, ସେମାନେ ଯେଉଁ ସ୍ଥାନରେ ବସି ପିଉଛନ୍ତି ତାହା ଏକ ନିଷେଦ୍ଧାଞ୍ଚଳ । ତେଣୁ ସେମାନଙ୍କୁ ଚିହ୍ନଟ କରାଯାଇ ଖୁବଶିଘ୍ର ସେମାନଙ୍କ ବିରୋଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।