ନୂଆଦିଲ୍ଲୀ: ମେ 3 ପରେ ପୁଣି ଦୁଇ ସପ୍ତାହ ପାଇଁ ଲକଡାଉନ୍ ଅବଧି ବୃଦ୍ଧି କରାଯାଇଥିବାବେଳେ ପ୍ରାୟ 2 ଲକ୍ଷ ଲୋକଙ୍କୁ ବିଦେଶରୁ ଫେରାଇ କାର୍ଯ ଟିକେ ମନ୍ଥର ହୋଇପାରେ । ତେବେ ଗଲଫ୍ ଦେଶ ତଥା ଇରାନ, ଇଟାଲୀ, ବ୍ରିଟେନ, ଆମେରିକା ଓ ଅନ୍ୟାନ୍ୟ ଦେଶରେ ଫସି ରହିଥିବା ଭାରତୀୟ ନାଗରିକମାନଙ୍କୁ ଆସନ୍ତା କିଛି ଦିନ ମଧ୍ୟରେ ତିନୋଟି କାରଣ ପାଇଁ ଫେରିବାକୁ ଅନୁମତି ଦିଆଯାଇଛି।
ଏହି ସମୟରେ ଭାରତୀୟ ନୌସେନା ଏବଂ ବାୟୁସେନା ଏହି ମିଶନରେ ସହଯୋଗ କରିବାକୁ ଇଚ୍ଛା ପ୍ରକାଶ କରିଛନ୍ତି। ସିଡିଏସ୍ ଜେନେରାଲ୍ ବିପିନ ରାୱତଙ୍କ ନେତୃତ୍ବରେ ତିନି ସେନା ମୁଖ୍ୟଙ୍କ ମିଳିତ ସାମ୍ବାଦିକ ସମ୍ମିଳନୀରେ ନୌସେନା ମୁଖ୍ୟ ଆଡମିରାଲ କରମବୀର ସିଂ କହିଛନ୍ତି ଯେ, ବିଦେଶରେ ଭାରତୀୟ ସଂଖ୍ୟା ଅଧିକ। ନୌସେନା ଜାହାଜ ନିୟୋଜନ ପାଇଁ ପ୍ରସ୍ତୁତ ଅଛି । ଏହା ଏକ ଲମ୍ବା ପ୍ରକ୍ରିୟା ହୋଇପାରେ । ଏଥିସହ ଏୟାର ଚିଫ୍ ମାର୍ଶଲ ଆରକେଏସ୍ ଭଦୋରିଆ କହିଛନ୍ତି, ଆମର ପରିବହନ ବିମାନ ଷ୍ଟାଣ୍ଡବାଇରେ ଅଛି ଏବଂ ନିର୍ଦ୍ଦେଶ ପାଇବା ମାତ୍ରେ ଆମେ ଏହି କାର୍ଯ୍ୟରେ ନିୟୋଜିତ ହେବୁ।
ବିଦେଶରେ ଅଟକି ରହିଥିବା ଭାରତୀୟ ନାଗରିକଙ୍କ ହୋମ କମିଂ ଯୋଜନାରେ 600 ରୁ ଅଧିକ ବିମାନ ଉଡାଣ ନୌସେନା ଯୁଦ୍ଧ ଜାହାଜ ବ୍ୟବହାର କରାଯିବ। ବିଭିନ୍ନ ମନ୍ତ୍ରଣାଳୟର ସମନ୍ବୟ ରକ୍ଷା କରି ପ୍ରସ୍ତୁତ ଏହି ଯୋଜନା ଅନୁଯାୟୀ ବର୍ତ୍ତମାନ ପ୍ରାୟ 2 ଲକ୍ଷ ଲୋକଙ୍କୁ ଆଣିବାର ଯୋଜନା ରହିଛି। ଏଥିମଧ୍ୟରୁ ପ୍ରାୟ ଏକ ଲକ୍ଷ ଲୋକଙ୍କୁ ଗଲଫ୍ ଦେଶରୁ ଅଣାଯିବ।