କାଶ୍ମୀର ଯିବେ ରାହୁଲ, ବିମାନ ପଠାଇବେ ସତ୍ୟପାଲ !

ରାହୁଲ ଗାନ୍ଧୀଙ୍କୁ ଜମ୍ମୁ-କାଶ୍ମୀର ଯିବାକୁ ଆମନ୍ତ୍ରିତ କଲେ ରାଜ୍ୟପାଳ ସତ୍ୟପାଲ ମଲ୍ଲିକ । ରାହୁଲ ଗାନ୍ଧୀ କାଶ୍ମୀର ଆସନ୍ତୁ ଏବଂ ସ୍ଥିତି ସମୀକ୍ଷା କରନ୍ତୁ ବୋଲି ସେ କହିଛନ୍ତି ।

ଶ୍ରୀନଗର: କଂଗ୍ରେସ ନେତା ରାହୁଲ ଗାନ୍ଧୀଙ୍କ କାଶ୍ମୀର ବୟାନକୁ ନେଇ ବର୍ଷିଲେ ଜମ୍ମୁ-କାଶ୍ମୀର ରାଜ୍ୟପାଳ ସତ୍ୟପାଲ ମଲ୍ଲିକ । କିଛି କହିବା ପୂର୍ବରୁ ରାହୁଲ ଗାନ୍ଧୀ କାଶ୍ମୀର ଆସନ୍ତୁ ଏବଂ ସ୍ଥିତି ସମୀକ୍ଷା କରନ୍ତୁ । ଏଥିପାଇଁ ମୁଁ ଏକ ସ୍ବତନ୍ତ୍ର ବିମାନ ମଧ୍ୟ ପଠାଇବି ବୋଲି ମଲ୍ଲିକ କହିଛନ୍ତି ।

ରାହୁଲ ଗାନ୍ଧୀଙ୍କୁ କାଶ୍ମୀର ଯିବାକୁ ଚ୍ୟାଲେଞ୍ଜ କରି ରାଜ୍ୟପାଳ କହିଛନ୍ତି, ରାହୁଲ ଗାନ୍ଧୀଙ୍କୁ ଏଠାକୁ ଆସିବା ପାଇଁ ଆମନ୍ତ୍ରିତ କରୁଛି । ଆପଣଙ୍କୁ ଏକ ବିମାନ ମଧ୍ୟ ପଠାଇବି । ଆପଣ ଆସନ୍ତୁ କାଶ୍ମୀରର ସ୍ଥିତି ସମୀକ୍ଷା କରିବା ପରେ ଟିପ୍ପଣି କରନ୍ତୁ । ଆପଣଙ୍କ ଭଳି ଜଣେ ଦାୟୀତ୍ବବାନ ବ୍ୟକ୍ତିଙ୍କର ଏଭଳି କହିବା ଉଚିତ ନଥିଲା ବୋଲି ରାଜ୍ୟପାଳ କହିଛନ୍ତି ।

ସୂଚନାଯୋଗ୍ୟ ଯେ, ରାହୁଲ ଗାନ୍ଧୀ ଶନିବାର କାଶ୍ମୀରକୁ ନେଇ ଏକ ବୟାନ ଦେଇଥିଲେ । ସେଠାରେ ହିଂସା ଘଟୁଥିବା ନେଇ କିଛି ଖବର ଆସୁଥିବା ଜାଣିବାକୁ ମିଳିଛି । ପ୍ରଧାନମନ୍ତ୍ରୀ ଏନେଇ ଚିନ୍ତା ବ୍ୟକ୍ତ କରିବା ଉଚିତ ବୋଲି ସେ କହିଥିଲେ । ସୂଚନାଯୋଗ୍ୟ ଯେ, କେନ୍ଦ୍ର ସରକାରଙ୍କ ଜମ୍ମୁ-କାଶ୍ମୀରରୁ ଧାରା 370 ଉଚ୍ଛେଦ କରିବା ନିଷ୍ପତ୍ତିକୁ କଂଗ୍ରେସ ବିରୋଧ କରୁଛି ।