ରାଞ୍ଚି: ଦେଶରେ ଅନେକ ସ୍ଥାନରେ ଆଜିବି ଅନ୍ଧବିଶ୍ବାସ ବସାବାନ୍ଧି ରହିଛି । ଏହି ଅନ୍ଧବିଶ୍ବାସ କାରଣରୁ ଅଧିକାଂଶ ସମୟରେ ଅନେକ ଅପରାଧିକ ମାମଲା ମଧ୍ୟ ସାମ୍ନାକୁ ଆସୁଛି । ତେବେ ଏପରି ସ୍ଥଳେ ଝାଡ଼ଖଣ୍ଡର ଦେଓଘର ଅଞ୍ଚଳର କିଛି ଯୁବତୀଙ୍କ ପଦକ୍ଷେପକୁ ଦେଶବ୍ୟାପୀ ପ୍ରଶଂସା କରାଯାଉଛି । ଅନ୍ଧବିଶ୍ବାସ ବିରୋଧରେ ସଚେତନତା ବାର୍ତ୍ତା ବାଣ୍ଟୁଛନ୍ତି ଝାଡ଼ଖଣ୍ଡର ଯୁବତୀ ।
ଦେଓଘରର କିଛି ୟୁବତୀ ଏହି ଅନ୍ଧବିଶ୍ବାସକୁ ଦୂର କରିବା ପାଇଁ ପ୍ରୟାସ ଆରମ୍ଭ କରିଛନ୍ତି । ଶିକ୍ଷା କ୍ଷେତ୍ରରେ ପଛରେ ପଡ଼ିଯାଇଥିବା ଅଞ୍ଚଳରେକୁ ଯାଇ ଏହି ଯୁବତୀମାନେ ସଚେତନତା କାର୍ଯ୍ୟକ୍ରମ ମାଧ୍ୟମରେ ପ୍ରୟାସ ଆରମ୍ଭ କରିଛନ୍ତି । ବିଭିନ୍ନ ସମସ୍ୟାକୁ ଘରର କାନ୍ଥରେ ଚିତ୍ରମାନ କରି ଲୋକଙ୍କୁ ସଚେତନ କରୁଛନ୍ତି । ଚିତ୍ରକଳା ମାଧ୍ୟମରେ ଲୋକଙ୍କ ମନରେ ଥିବା ଭ୍ରାନ୍ତଧାରଣାକୁ ଦୂର କରିବା ପାଇଁ ପ୍ରୟାସ ଆରମ୍ଭ କରିଛନ୍ତି ।