ଲକ୍ଷ୍ନୌ: ଅଯୋଧ୍ୟାରେ ରାମ ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ ହେବ । ଶ୍ରୀ ରାମଜନ୍ମଭୂମି ତୀର୍ଥ ଟ୍ରଷ୍ଟ ମନ୍ଦିର ନିର୍ମାଣର ସମସ୍ତ ଦାୟିତ୍ବ ସମ୍ଭାଳୁଛି । କୋଟି କୋଟି ରାମ ଭକ୍ତ ମନ୍ଦିର ନିର୍ମାଣରେ ଯୋଗଦାନ ଦେବାକୁ ଚାହୁଁଛନ୍ତି। ଯାହାକୁ ଦୃଷ୍ଟିରେ ରଖି ଟ୍ରଷ୍ଟ ପକ୍ଷରୁ ଦାନ ଗ୍ରହଣ ପାଇଁ ବିଭିନ୍ନ ବ୍ୟବସ୍ଥା କରାଯାଇଛି । ଇତି ମଧ୍ୟରେ କିଛି ଲୋକ ଭବ୍ୟ ମନ୍ଦର ଏବଂ ଟ୍ରଷ୍ଟ ନାମରେ ଲୋକଙ୍କୁ ଠକୁଥିବା ଜଣାପଡିଛି ।
ବିଶ୍ବ ହିନ୍ଦୁ ପରିଷଦ କର୍ମଚାରୀଙ୍କ ଅଭିଯୋଗ ଆଧାରରେ ଉତ୍ତର ପ୍ରଦେଶର ମେରଟ ଜିଲ୍ଲା ପୋଲିସ ରାମ ମନ୍ଦିର ନିର୍ମାଣ ନାମରେ କରାଯାଇଥିବା ଠକେଇର ପର୍ଦ୍ଦାଫାସ କରିଛି। ପୋଲିସ ଏହି ଘଟଣାରେ ଜଣେ ନକଲି ଏନଜିଓ ଅପରେଟରଙ୍କୁ ଗିରଫ କରି ତା ବିରୋଧରେ ମାମଲା ରୁଜୁ କରିଛି ।