କେନାଲରେ ବୁଡି ମା ସମେତ 3 ଶିଶୁଙ୍କ ମୃତ୍ୟୁ, ଆତ୍ମହତ୍ୟା ସନ୍ଦେହ

କେନାଲରେ ବୁଡି ମା ସହ 3 ଶିଶୁଙ୍କ ସଲୀଳ ସମାଧି। ଘଟଣାଟି ବିହାର ରୋହତାସ ଜିଲ୍ଲାରେ ଘଟିଛି। ତେବେ ଏହା ହତ୍ୟା ନା ଆତ୍ମହତ୍ୟା ତାହା ଜଣାପଡିନାହିଁ।

ପାଟନା: କେନାଲରେ ବୁଡି 4 ଜଣଙ୍କ ମୃତ୍ୟୁ। ଏହି ଅଭାବନୀୟ ଘଟଣା ବିହାର ରୋହତାସ ଜିଲ୍ଲାରେ ଘଟିଛି। ତେବେ ଏକାସାଥୀରେ 4 ଜଣଙ୍କ ମୃତ୍ୟୁ ଖବର ଅଞ୍ଚଳରେ ପବନ ବେଗରେ ଖେଳିଯିବା ସହ ସମସ୍ତଙ୍କୁ ସ୍ତବ୍ଧ କରିଦେଇଛି।

ସ୍ଥାନୀୟ ଲୋକଙ୍କ ସହାୟତାରେ ସମସ୍ତ ମୃତଦେହକୁ ପାଣି ଭିତରୁ ବାହାର କରାଯାଇଥିଲା। ମୃତକଙ୍କ ମଧ୍ୟରେ ଜଣେ ମହିଳା ଓ 3 ଜଣ ଛୋଟ ପିଲା ରହିଛନ୍ତି।

ଖବର ଅନୁଯାୟୀ, କୌଣସି କାରଣରୁ ମହିଳା ଜଣକ ପିଲାମାନଙ୍କ ସହ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିବା ସହ ଘଟଣାର ତଦନ୍ତ ଆରମ୍ଭ କରିଛି।