ଡମ୍ଫର-ପିକଅପ ମୁହାଁମୁହିଁଁ; 4 ମୃତ, 7 ଆହତ

ରାଜସ୍ଥାନରେ ପିକଅପ ଭ୍ୟାନ ଓ ଡମ୍ଫର ମୁହାଁମୁହିଁ ଧକ୍କା । ଦୁର୍ଘଟଣାରେ 4 ଜଣ ମୃତ । ଅଧିକ ପଢନ୍ତୁ...

ଜୟପୁର: ରାଜସ୍ଥାନରେ ମର୍ମନ୍ତୁଦ ଦୁର୍ଘଟଣା । ପିକଅପ ଭ୍ୟାନ ଓ ଡମ୍ଫର ମୁହାଁମୁହିଁ ଧକ୍କା । ରାଜସ୍ଥାନର ଭରତପୁର ଜିଲ୍ଲାରେ ରବିବାର ଏହି ଭୟାନକ ସଡକ ଦୁର୍ଘଟଣା ଘଟିଛି । ଦୁର୍ଘଟଣାରେ 4 ଜଣ ବ୍ୟକ୍ତିଙ୍କ ମୃତ୍ୟୁ ଘଟିଥିବା ବେଳେ 7 ଜଣ ଗୁରୁତର ଆହତ ହୋଇଛନ୍ତି । ମୃତକଙ୍କ ନାମ ଗଜେନ୍ଦ୍ର (33), ଉମା (30), ଯମୁନା ପ୍ରସାଦ (56) ଏବଂ 26 ବର୍ଷୀୟ ପିକଅପ ଡ୍ରାଇଭର କସିମ ବୋଲି ଜଣାପଡିଛି । ଅନ୍ୟ ଗୁରୁତରମାନଙ୍କୁ ଉଦ୍ଧାର କରାଯାଇ ଭରତପୁର ମେଡିକାଲରେ ଭର୍ତ୍ତି କରାଯାଇଛି ।

ସୂଚନାଯୋଗ୍ୟ, ରବିବାର ଏକ ପିକଅପ ଯୋଗେ କିଛି ଲୋକ ଯାଉଥିବା ସମୟରେ ଦୀଗ ପୋଲିସ ଷ୍ଟେସନ ଅଞ୍ଚଳରେ ଏକ ଡମ୍ଫର ସହ ମୁହାଁମୁହିଁ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ 4 ଜଣ ଆଖି ବୁଜିଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହଗୁଡିକୁ ଉଦ୍ଧାର କରି ତଦନ୍ତ ଆରମ୍ଭ କରିଛି । ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ