ନୂଆଦିଲ୍ଲୀ: ଦେଶର ଆର୍ଥିକ ମାନ୍ଦାବସ୍ଥାକୁ ନେଇ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି ପୂର୍ବତନ ଅର୍ଥମନ୍ତ୍ରୀ ଯଶୱନ୍ତ ସିହ୍ନା । ଦେଶର ଅର୍ଥ ବ୍ୟବସ୍ଥା ଗଭୀର ସଙ୍କଟ ଦେଇ ଗତି କରୁଛି । କିନ୍ତୁ କେନ୍ଦ୍ର ସରକାର ନିଜ ଦୋଷ ମାନିବା ବଦଳରେ ଭବିଷ୍ୟତରେ ସୁଧାର ଆସିବାର ସ୍ବପ୍ନ ଦେଖାଇ ଲୋକଙ୍କୁ ବୋକା ବନାଉଥିବା ଅଭିଯୋଗ କରିଛନ୍ତି ସିହ୍ନା।
ଗଭୀର ସଙ୍କଟରେ ଦେଶର ଅର୍ଥ ବ୍ୟବସ୍ଥା: ଯଶୱନ୍ତ ସିହ୍ନା - ଆର୍ଥିକ ମାନ୍ଦାବସ୍ଥାକୁ ନେଇ ଯଶବନ୍ତ ସିହ୍ନାଙ୍କ ପ୍ରତିକ୍ରିୟା
ଦେଶର ଅର୍ଥ ବ୍ୟବସ୍ଥା ଗଭୀର ସଙ୍କଟ ଦେଇ ଗତି କରୁଛି । କିନ୍ତୁ କେନ୍ଦ୍ର ସରକାର ନିଜ ଦୋଷ ମାନିବା ବଦଳରେ ଭବିଷ୍ୟତରେ ସୁଧାର ଆସିବାର ସ୍ବପ୍ନ ଦେଖାଇ ଲୋକଙ୍କୁ ବୋକା ବନାଉଥିବା ପୂର୍ବତନ ଅର୍ଥମନ୍ତ୍ରୀ ଯଶୱନ୍ତ ସିହ୍ନା କହିଛନ୍ତି ।
ଫାଇଲ ଫଟୋ
କେନ୍ଦ୍ର ସରକାରଙ୍କୁ ଟାର୍ଗେଟ କରି ସେ କହିଛନ୍ତି, କ୍ଷମତାରେ ଥିବା ଲୋକ କ'ଣ କହୁଛନ୍ତି ତାହା ଗୁରୁତ୍ବପୂର୍ଣ୍ଣ ନୁହେଁ । ସତ ହେଉଛି ଆମ ଦେଶ ଧିରେ ଧିରେ ଆର୍ଥିକ ସଙ୍କଟରେ ଫସି ଫସି ଯାଉଛି । ଆଗାମୀ ତ୍ରୈମାସରେ ନଚେତ ତା ଆଗାମୀ ତ୍ରୈମାସରେ ଅର୍ଥବ୍ୟବସ୍ଥାରେ ସୁଧାର ଆସିବ ବୋଲି କେନ୍ଦ୍ର ସରକାର ବଡ ବଡ ପ୍ରତିଶୃତି ଦେଉଛନ୍ତି । କିନ୍ତୁ ବାସ୍ତବରେ ଏଭଳି କିଛି ହେବ ନାହିଁ । ଏଭଳି ମିଥ୍ୟା ପ୍ରତିଶୃତି ଦେଇ ସେ ଲୋକଙ୍କୁ ବୋକା ବନାଉଛନ୍ତି ବୋଲି ସିହ୍ନା କହିଛନ୍ତି ।
ସୂଚନାଯୋଗ୍ୟ ଯେ, ଚଳିତ ଆର୍ଥିକ ବର୍ଷର ଦ୍ବିତୀୟ ତ୍ରୈମାସ(ଜୁଲାଇ-ସେପ୍ଟେମ୍ବର)ରେ ଜିଡିପି ଅଭିବୃଦ୍ଧି ହାର 0.5 ପ୍ରତିଶତ ହ୍ରାସ ଘଟି 4.5 ପ୍ରତିଶତକୁ ପହଞ୍ଚିଛି। ଯାହାକି ସାଢେ 6 ବର୍ଷରେ ସର୍ବନିମ୍ନ।