ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀଙ୍କ ପରଲୋକ

ପରଲୋକରେ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କୈଳାଶ ଚନ୍ଦ୍ର ଯୋଶୀ । 14 ଜୁଲାଇ 1929 ମସିହାରେ ଜନ୍ମଗ୍ରହଣ କରିଥିଲେ ସେ। ଆଜି 90 ବର୍ଷ ବୟସରେ ତାଙ୍କର ନିଧନ ହୋଇଛି।

ଭୋପାଳ: ବିଜେପିର ବରିଷ୍ଠ ନେତା ତଥା ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କୈଳାଶ ଚନ୍ଦ୍ର ଯୋଶୀଙ୍କ ପରଲୋକ । ଶଯ୍ୟାଶାୟୀ ଥିବା କୈଳାଶଙ୍କ ଆଜି 90 ବର୍ଷ ବୟସରେ ମୃତ୍ୟୁ ଘଟିଛି ।

କୈଳାଶ ବିଜେପିର ଜଣେ ବରିଷ୍ଠ ନେତା ହୋଇଥିବା ବେଳେ ରାଜ୍ୟର ମୁଖ୍ୟମନ୍ତ୍ରୀ ଭାବେ ମଧ୍ୟ କାର୍ଯ୍ୟ ସମ୍ପାଦନ କରିଛନ୍ତି । ମାତ୍ର 6 ମାସ 9 ଦିନ ପାଇଁ ମୁଖ୍ୟମନ୍ତ୍ରୀ ଆସନରେ ଅଳଙ୍କୃତ ହୋଇଥିଲେ କୈଳାଶ ଚନ୍ଦ୍ର ଯୋଶୀ।

ଜନତା ପାର୍ଟିର ଜଣେ ସକ୍ରିୟ ସଦସ୍ୟ ମଧ୍ୟ ରହିଥିଲେ । ପରବର୍ତ୍ତୀ ସମୟରେ ଭାରତୀୟ ଜନତା ପାର୍ଟିରେ ସେ କରିଥିଲେ ଯୋଗଦାନ । 2004ରୁ 2014 ପର୍ଯ୍ୟନ୍ତ ଭୋପାଳ ସଂସଦୀୟ କ୍ଷେତ୍ରରୁ ନିର୍ବାଚିତ ହୋଇ ସାଂସଦ ମଧ୍ୟ ରହିଥିଲେ ସେ।