ହାଇଦ୍ରାବାଦ: କୋରୋନା ମୁକାବିଲା ପାଇଁ ସାରା ଦେଶରେ ଘୋଷଣା ହୋଇଛି ଲକଡାଉନ । ଆଉ ଏହି ସମୟରେ ସମସ୍ତେ ୱାର୍କ ଫ୍ରମ ହୋମ କରୁଛନ୍ତି । ତେବେ ଘରୁ କାମ କରିବାବେଳେ ଅଧିକାଂଶ ସମୟ ଆପଣଙ୍କୁ କମ୍ପୁଟର କିମ୍ବା ଲାପଟପ ସାମନାରେ କାଟିବାକୁ ପଡୁଛି । ଫଳରେ ଆପଣଙ୍କ ଆଖି ଉପରେ ଅଧିକ ପ୍ରେସର ପଡିବାର ସମ୍ଭାବନା ରହିଛି । ବର୍ତ୍ତମାନ ଅଫିସ ଦ୍ବାରା ଦିଆଯାଉଥିବା ସୁରକ୍ଷିତ କମ୍ପୁଟରରେ ଆପଣ କାମ କରିପାରିବେ ନାହିଁ । ତେଣୁ ଆପଣଙ୍କୁ ନିଜ ଆଖିର ସୁରକ୍ଷା ନିଜକୁ ନେବାକୁ ପଡିବ ।
ଲଗାତାର କମ୍ପୁଟର କିମ୍ବା ଲାପଟପ ସ୍କ୍ରିନ ଦେଖିବାକୁ ପଡୁଥିଲେ ପ୍ରଥମେ ନିଜ ବସିବା ଶୈଳୀ ବଦଳାଇ ଦିଅନ୍ତୁ । ଅଧିକାଂଶ ଆଖି ବିଶେଷଜ୍ଞ କହିଛନ୍ତି ଭୁଲ ବସିବା ପୋଜିସନରୁ ଆଖି ଖୁବଶିଘ୍ର ଖରାପ ହୋଇଥାଏ । ସ୍କ୍ରିନ ଓ ଆଖିର ଲେଭଲ ସମାନ ରହିବା ଦରକାର । ଆଖି ବାରମ୍ବାର ଉପର ଓ ତଳକୁ କରିବା ଦ୍ବାରା ଏହା ଉପରେ ଅଧିକ ପ୍ରେସର ପଡିଥାଏ । ତେଣୁ ଲାପଟପକୁ କିଛି ବହି ଅବା ଷ୍ଟାଣ୍ଡ ଉପରେ ରଖନ୍ତୁ । ନଚେତ ନିଜ ଚେୟାରକୁ ଟିକେ ଉଚ୍ଚା କରି ବସନ୍ତୁ ।