ଭୋଟରଙ୍କୁ ବାଜା ବଜାଇ, ଫୁଲରେ ସ୍ବାଗତ

ଭୋଟରଙ୍କୁ ନିଆରା ସ୍ବାଗତ। ମତଦାନ କେନ୍ଦ୍ରରେ ବାଜା ବଜାଇ, ଫୁଲ ବର୍ଷା କରି ସ୍ବାଗତ କରାଯାଇଛି। ଉତ୍ତରପ୍ରଦେଶର ବାଗପତରେ ଏଭଳି ନିଆରା ଦୃଶ୍ୟ ଦେଖିବାକୁ ମିଳିଛି।

ପ୍ରୟାଗରାଜ: ଦେଶରେ ଚାଲିଛି ପ୍ରଥମ ପର୍ଯ୍ୟାୟ ମତଦାନ । 20 ରାଜ୍ୟର 91ଟି ଲୋକସଭା ଆସନ ପାଇଁ ଭୋଟ୍‌ ଗ୍ରହଣ ହେଉଛି । ମତଦାନ ପାଇଁ ଭୋଟରଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳୁଛି । ମତଦାନ ପାଇଁ ଆସୁଥିବା ଭୋଟରଙ୍କୁ ସ୍ବାଗତ ପାଇଁ ଉତ୍ତରପ୍ରଦେଶର ବାଗପତରେ ନିଆରା ପଦକ୍ଷେପ ଗ୍ରହଣ କରାଯାଇଛି।

ଯେଉଁମାନେ ମତଦାନ ପାଇଁ ଆସୁଛନ୍ତି ବୁଥ୍‌ରେ ସେମାନଙ୍କୁ ଫୁଲବର୍ଷା ସହ ଢୋଲ ବଜାଇ ସ୍ବାଗତ କରାଯାଉଛି। ବାଗପତ୍‌ର ବଡୋତରେ ମତଦାନ କେନ୍ଦ୍ର 126ରେ ଏଭଳି ନିଆରା ଦୃଶ୍ୟ ଦେଖିବାକୁ ମିଳିଥିଲା। ସେପଟେ ଏପରି ସ୍ବାଗତ ପାଇଁ ଖୁସି ବ୍ୟକ୍ତ କରିଛନ୍ତି ଭୋଟର।

ଅନ୍ୟପଟେ ପ୍ରଥମ ପର୍ଯ୍ୟାୟ ଭୋଟ୍ ପାଇଁ ଦେଶବାସୀଙ୍କୁ ଶୁଭକାମନା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସମସ୍ତଙ୍କୁ ନିଜ ମତଅଧିକାର ସାବ୍ୟସ୍ତ କରିବାକୁ ଅପିଲ କରିଛନ୍ତି ପ୍ରଧାନମନ୍ତ୍ରୀ।