ହାଇଦ୍ରାବାଦ: ସବୁ ଚର୍ଚ୍ଚ ଭଳି ଏଠାରେ ମଧ୍ୟ ପ୍ରାର୍ଥନା କରାଯାଏ, କିନ୍ତୁ ଉର୍ଦ୍ଦୁ ଭାଷାରେ । ଅଧିକାଂଶ ଚର୍ଚ୍ଚରେ ହିନ୍ଦୀ, ଇଂରାଜୀ ଏବଂ ଆଞ୍ଚଳିକ ଭାଷାରେ ପ୍ରାର୍ଥନା କରାଯାଉଥିବା ଆମେ ଶୁଣିଛେ । ହେଲେ ହାଇଦ୍ରାବାଦ ଆବିଡ୍ସରେ ଏମିତି ଏକ ଚର୍ଚ୍ଚ ଅଛି ଯେଉଁଠି ପ୍ରତ୍ୟେକ ରବିବାର ସକାଳ 10 ଟାରୁ 12 ଟା ପର୍ଯ୍ୟନ୍ତ ଉର୍ଦ୍ଦୁ ଭାଷାରେ ପ୍ରାର୍ଥନା କରାଯାଏ । ଏଠାରେ ତାମିଲ, ମାଲାୟାଲାମ, ନେପାଳୀ, ମରାଠୀ ଏବଂ ଅନ୍ୟ ଇସାଇ ଧର୍ମାଲମ୍ବୀ ଉର୍ଦ୍ଦୁରେ ଯୀଶୁଙ୍କୁ ଦୀର୍ଘ 5 ପୀଢିଧରି ପୂଜା କରି ଆସୁଛନ୍ତି ।
ପ୍ରଥମ ଉର୍ଦ୍ଦୁ ଚର୍ଚ୍ଚ ଭାବରେ ସାରା ଭାରତରେ ପରିଚିତ ଏସ୍.ଟି. ଲ୍ୟୁକ୍ସ ହିନ୍ଦୁସ୍ଥାନୀ ଚର୍ଚ୍ଚ । ଏହାକୁ ନିର୍ମାଣ ପାଇଁ ନିଜାମ ହିନ୍ଦୁସ୍ଥାନୀ ଖ୍ରୀଷ୍ଟିଆନ ମିସନାରୀ ସୋସାଇଟିକୁ ଦେଢ ଏକର ଜମି ଦାନ କରିଥିଲେ । ଉର୍ଦ୍ଦୁ ପୂର୍ବରୁ କେବଳ ଅଫିସିଆଲ ଲାଙ୍ଗୁଏଜ ଥିବା ବେଳେ ପରବର୍ତ୍ତୀ ମୁହୂର୍ତ୍ତରେ ବାଇବେଲକୁ ଉର୍ଦ୍ଦୁ ଏବଂ ଅନ୍ୟ ଭାରତୀୟ ଭାଷାରେ ଅନୁବାଦ ପାଇଁ ସ୍ବୀକୃତି ପ୍ରଦାନ କରାଯାଇଥିଲା । ଉର୍ଦ୍ଦୁ ଭାଷାରେ ବାଇବେଲ ହେବାପରେ ବେଶ ଖୁସିଥିଲେ ଇସାଇ ମୁସଲମାନ । ଧର୍ମକୁ ନେଇ କେତେକ ଚର୍ଚ୍ଚରେ ଦେଖା ଦେଇଥିଲା ବିବାଦ । ପରେ ବହୁଳ ମାତ୍ରାରେ ଇସାଇ ମୁସଲମାନ ପାକିସ୍ତାନ ଏବଂ ବାଂଲାଦେଶକୁ ଚାଲିଯାଇଥିଲେ । ଏହାଦ୍ବାରା ଏହି ଚର୍ଚ୍ଚ ଧିରେଧିରେ ଇତିହାସ ପୃଷ୍ଠାରୁ ବିଲୁପ୍ତ ହୋଇଗଲା ।