ଡେରାଡୁନ: ସ୍ନୋ ଲିଓପାର୍ଡ ବିଲୁପ୍ତ ପ୍ରଜାତି ପ୍ରାଣୀଙ୍କ ମଧ୍ୟରେ ଗଣନା କରାଯାଏ । ତେବେ ସେମାନଙ୍କ ସଂରକ୍ଷଣ ଉପରେ ଉତ୍ତରାଖଣ୍ଡ ସରକାର ଚିନ୍ତା ପ୍ରକଟ କରି ଖାସ ପଦକ୍ଷେପ ଗ୍ରହଣ କରିବାକୁ ଯାଉଛନ୍ତି । ବରଫରେ ରହୁଥିବା କଲରାପତରିଆ ବାଘ( ସ୍ନୋ ଲିଓପାର୍ଡ )ଙ୍କ ସଂରକ୍ଷଣ ପାଇଁ ପ୍ରଥମ କରି ଉତ୍ତରକାଶୀରେ ସଂରକ୍ଷଣ କେନ୍ଦ୍ର ସ୍ଥାପନ କରାଯିବ । ଗାଇଡଲାଇନ ମୁତାବକ ସେମାନଙ୍କର ଗଣନା ବନବିଭାଗ କରିବ ।
ସୂଚନାଥାଉକି, ଉତ୍ତରକାଶୀ ଓ ପିଥୌରାଗଡ ଜିଲ୍ଲାରେ ସ୍ନୋ ଲିଓପାର୍ଡ ଅଧିକ ସଂଖ୍ୟକରେ ଅଛନ୍ତି । କିନ୍ତୁ ଏଯାଏଁ ସେମାନଙ୍କ ଗଣନା ହୋଇ ନାହିଁ । ବିଭିନ୍ନ ରିପୋର୍ଟ ଅନୁସାରେ ଉତ୍ତରାଖଣ୍ଡରେ ପ୍ରାୟ 86ଟି ବରଫରେ ରହୁଥିବା କଲରାପତରିଆ ବାଘ ରହିଛନ୍ତି । ସୂଚନାଥାଉକି, ହିମାଳୟର ଉଚ୍ଚତମ କ୍ଷେତ୍ରରେ କିଛି ବର୍ଷ ହେବ ବନ୍ୟଜନ୍ତୁଙ୍କ ସଂଖ୍ୟା ବୃଦ୍ଧି ପାଇଛି ।