ଲକ୍ଷ୍ନୌ: ଗାଜିଆବାଦ ଟ୍ରୋନିକ ସିଟି ଅନ୍ତର୍ଗତ ଚମାନ ବିହାରରେ ଥିବା ଏକ ବସ୍ତିରେ ଭୟଙ୍କର ଅଗ୍ନିକାଣ୍ଡ ଘଟିଛି । ନିଆଁକୁ ଆୟତ୍ତ କରିବା ପାଇଁ ଦମକଳ ବାହିନୀର 10ଟି ଗାଡି ଘଟଣାସ୍ଥଳରେ ନିୟୋଜିତ ଅଛନ୍ତି । ଖବର ଲେଖାହେବା ସୁଦ୍ଧା ଘଟଣାରେ ମୃତ କିମ୍ବା ଆହତଙ୍କ ବାବଦରେ କୌଣସି ସୂଚନା ମିଳିପାରିନାହିଁ ।
100ରୁ ଅଧିକ ବସ୍ତିରେ ଅଗ୍ନିକାଣ୍ଡ
ଗ୍ୟାସ ସିଲିଣ୍ଡରରୁ ଗ୍ୟାସ ଲିକ୍ ହୋଇ ଅଗ୍ନିକାଣ୍ଡ ଘଟିଥିବାବେଳେ 100ରୁ ଅଧିକ ବସ୍ତିରେ ନିଆଁ ବ୍ୟାପିଥିବା ନେଇ ସୂଚନା ମିଳିଛି। ନିଆଁ ଲାଗିବା ପରେ ବସ୍ତିରେ ଥିବା ଏକାଧିକ ଲୋକଙ୍କ ଜୀବନ ବିପଦମୁଖରେ ପଡି ଯାଇଥିଲା । ଯେନତେନ ପ୍ରକାରେଣ କିଛି ଲୋକେ ଜୀବନ ବଞ୍ଚାଇ ବାହାରକୁ ପଳାଇ ଆସିଥିଲେ । ବସ୍ତିରେ ଅଧିକାଂଶ ମହିଳା ଓ ଛୋଟ ପିଲାଙ୍କୁ ପ୍ରଶାସନ ପକ୍ଷରୁ ଉଦ୍ଧାର କରାଯାଇଛି । ହେଲେ ବସ୍ତିରେ ଥିବା ସମସ୍ତ ଆସବାବପତ୍ର ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ନିଆଁର ପ୍ରଭାବ ଏତେ ମାତ୍ରାରେ ଥିଲା ଯେ ଆଖପାଖ ବସ୍ତିକୁ ମଧ୍ୟ ନିଆଁ ବ୍ୟାପିଯାଇଛି । ଫଳରେ ସେହି ବସ୍ତିର ଲୋକେ ଘରୁ ବାହାରକୁ ପଳାଇ ଆସିଛନ୍ତି ।