ନୂଆଦିଲ୍ଲୀ: ଏଠାକାର ପିତମପୁରା ଅଞ୍ଚଳରେ ବୁଧବାର ବିଳମ୍ବିତ ରାତିରେ ହଠାତ 10 ମହଲା କୋଠାରେ ଲାଗିଛି ନିଆଁ। କେବଳ ଫ୍ଲାଟ୍ ନୁହେଁ ଲିଫ୍ଟରେ ମଧ୍ୟରେ ନିଆଁ ଲାଗିଥିଲା । ଆଉ ଧିରେ ଧିରେ ଏହା ସମ୍ପୂର୍ଣ୍ଣ ବିଲ୍ଡିଂର ବ୍ଯାପି ଚାରିଆଡେ ଧୂଆଁ ମୟ ହୋଇ ଯାଇଥିଲା । ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ ଲିଭା କାର୍ଯ୍ୟ ଜାରି ରଖିବା ସହ ପାଖାପାଖି 100 ଲୋକଙ୍କୁ ସୁରକ୍ଷିତ ଭାବରେ ବିଲ୍ଡିଂରୁ ବାହାରକୁ ଆଣିଥିବା ଜଣାପଡିଛି ।
10 ମହଲା କୋଠାରେ ଲାଗିଲା ନିଆଁ, 100 ଲୋକ ସୁରକ୍ଷିତ ଭାବେ ଉଦ୍ଧାର - building
10 ମହଲା କୋଠାରେ ଲାଗିଲା ନିଆଁ । ଏହି ଅଘଟଣ ଘଟିଛି ଦିଲ୍ଲୀର ପିତମପୁରା ଅଞ୍ଚଳରେ। ନିଆଁ ଲାଗିବାର କାରଣ ଏବେ ସୁଦ୍ଧା ଜଣାପଡିନଥିଲା ବେଳେ ଏହା ଯୋଗୁଁ କିଛି କ୍ଷୟକ୍ଷତି ହୋଇ ନଥିବା ଜଣାପଡିଛି।
ପ୍ରତିକାତ୍ମକ ଫଟୋ
କେବଳ ମଣିଷ ନୁହଁନ୍ତି ଜୀବଜନ୍ତୁଙ୍କୁ ମଧ୍ୟ ସୁରକ୍ଷିତ ଭାବରେ ରକ୍ଷା କରିଛି ଦମକଳ ବାହିନୀ। ତେବେ ଏହି ଅଘଟଣରେ କୌଣସି କ୍ଷୟକ୍ଷତି ହୋଇ ନଥିବା ସୂଚନା ରହିଛି । ପ୍ରଥମେ ନିଆଁ ଲାଗିବା ଖବର ମିଳିବା ପରେ 6ଟି ଗାଡି ପଠାଯାଇଥିଲା କିନ୍ତୁ ନିଆଁ ଏତେ ମାତ୍ରାରେ ବଢିଥିଲା ଯେ ଆଉ 7ଟି ଦମକଳ ବାହିନୀ ପଠାଯାଇଥିଲା । ତେବେ ସମୁଦାୟ 13ଟି ଗାଡି ମିଶି ନିଆଁକୁ ଆୟତ୍ତ କରିଥିଲେ । ସ୍ଥାନୀୟ ଲୋକଙ୍କ କହିବାନୁୟାୟୀ ସର୍ଟସର୍କିଟ ବା ଲିଫ୍ଟରେ ସ୍ପାର୍କିଂ ଯୋଗୁଁ ନିଆଁ ଲାଗିଥିବା ଆଶଙ୍କା କରାଯାଉଛି। ହେଲେ ନିଆଁ ଲାଗିବାର ପ୍ରକୃତ କାରଣ ଏବେ ସୁଦ୍ଧା ଜଣାପଡି ନାହିଁ ।