ନୂଆଦିଲ୍ଲୀ: ପ୍ରତ୍ୟେକ ମହିଳା ଘରୁ ବାହାରକୁ ବାହାରିବା ବେଳେ ସାଥିରେ ପ୍ରତିବନ୍ଧ ଉପକରଣ (କଣ୍ଡୋମ) ଧରି ଆସିବା ଉଚିତ । କାରଣ ଦୁଷ୍କର୍ମ ସମୟରେ ପୋଲିସକୁ ଫୋନ କରିବା ପରିବର୍ତ୍ତେ ଦୁଷ୍କର୍ମକାରୀକୁ ସମର୍ଥନ କରିବା ଠିକ ବୋଲି ବୟାନ ଦେଇଛନ୍ତି ଫିଲ୍ମ ନିର୍ମାତା ଡାନିଏଲ ଶ୍ରବଣ କୁମାର । ହାଇଦ୍ରାବାଦ ଗଣଦୁଷ୍କର୍ମ ଓ ନିର୍ମମ ହତ୍ୟାକୁ ନେଇ ସେ ଏଭଳି ମନ୍ତବ୍ୟ ଦେଇଛନ୍ତି।
‘ଝିଅମାନେ 100 ଡାଏଲ କରିବା ପରିବର୍ତ୍ତେ ପାଖରେ କଣ୍ଡୋମ ରଖ’
‘ ପାଖରେ କଣ୍ଡୋମ ରଖି ଦୁଷ୍କର୍ମକୁ ସମର୍ଥନ କର’ ବୋଲି କଦର୍ଯ୍ୟ ମନ୍ତବ୍ୟ ଦେଇଛନ୍ତି ଜଣେ ଫିଲ୍ମ ମେକର । ମହିଳାଙ୍କୁ ସାଥିରେ କଣ୍ଡୋମ ନେଇ ବାହାରକୁ ଯିବାକୁ ଦେଇଛନ୍ତି ଉପଦେଶ । ଆଗକୁ ପଢନ୍ତୁ...
‘ଦୁଷ୍କର୍ମକୁ ସମର୍ଥନ କର’
ଏହି ଘଟଣା ସମଗ୍ର ଦେଶବାସୀଙ୍କୁ ଦୋହଲାଇ ରଖିଦେଇଛି । ପୀଡିତାଙ୍କ ପାଇଁ ସମସ୍ତେ ନ୍ୟାୟ ମାଗୁଥିବା ବେଳେ ଡାନିଏଲଙ୍କ ଏଭଳି ବୟାନ ଲୋକଙ୍କର ଆହୁରି ରକ୍ତ ଗରମ କରିଦେଇଛି । ତାଙ୍କର ଏହି ଫେସବୁକ୍ ପୋଷ୍ଟ ବର୍ତ୍ତମାନ ବିବାଦୀୟ ହେବାରେ ଲାଗିଛି ।
ସରକାରଙ୍କୁ ଏ ବିଷୟରେ ଚିନ୍ତା କରିବା ଦରକାର ବୋଲି ସେ ଲେଖିଥିଲେ । କିନ୍ତୁ ଏବେ ସେ ଏହି ପୋଷ୍ଟକୁ ସେ ହଟାଇ ପୁଣି ଥରେ ନୂଆ ପୋଷ୍ଟ କରିଥିଲେ । କିନ୍ତୁ ସେତେବେଳେକୁ ତାଙ୍କର ପ୍ରଥମ ପୋଷ୍ଟଟି ଭାଇରାଲ ହୋଇ ସାରିଥିଲା । ତାଙ୍କର ଏଭଳି ପୋଷ୍ଟର ସ୍କ୍ରିନସଟ ନେଇ ଅନେକ ମହିଳା ଏବେ ତାଙ୍କୁ ବିରୋଧ କରିଥିବା ଦେଖାଯାଇଛି ।