ନୂଆଦିଲ୍ଲୀ: ପୁଅକୁ ପରୀକ୍ଷା କେନ୍ଦ୍ରରେ ପହଞ୍ଚାଇବା ପାଇଁ ୧୦୫କିଲୋମିଟର ସାଇକେଲ ଚଳାଇଥିଲେ ବାପା । ଯାହା ଏବେ ସମସ୍ତଙ୍କର ଦୃଷ୍ଟି ଆକର୍ଷଣ କରିଛି । ବ୍ୟକ୍ତି ଜଣକ ହେଉଛନ୍ତି ମଧ୍ୟପ୍ରଦେଶର ଧର୍ ଜିଲ୍ଲାରେ ରହୁଥିବା ଶୋଭାରାମ । ଏସବୁ ଜଣିବା ପରେ ପୁଅର ସମସ୍ତ ପଢ଼ା ଖର୍ଚ୍ଚ ଉଠାଇବା ପାଇଁ କହିଲେ ଜଣେ ବ୍ୟବସାୟୀ ଆନନ୍ଦ ମହିନ୍ଦ୍ରା । ଏହି ବ୍ୟକ୍ତିଙ୍କ ଚିତ୍ର ସୋସିଆଲ ମିଡିଆରେ ଭାଇରାଲ ହେବା ପରେ ଅନେକ ଲୋକ ତାଙ୍କର ଏପରି କାର୍ଯ୍ୟକୁ ଅଭିବାଦନ ଓ ପ୍ରଶଂସା କରିଥିଲେ । ଏହି ଖବର ଭାରତୀୟ ଅଟୋମୋବାଇଲ୍ କମ୍ପାନିର ମାଲିକ ଆନନ୍ଦ ମହିନ୍ଦ୍ରାଙ୍କୁ ଅଧିକ ପ୍ରଭାବିତ କରିଥିବା ବେଳେ ଏବେ ସେ ୧୦୫କିଲୋମିଟର ସାଇକେଲ ଚଳାଇଥିବା ଶୋଭାରାମଙ୍କୁ ସାହାଯ୍ୟ କରିବା ପାଇଁ ଆଗେଇ ଆସିଛନ୍ତି।
ପୁଅର ପରୀକ୍ଷା ପାଇଁ ବାପାଙ୍କ ସାଇକେଲରେ 105 କିମି ଯାତ୍ରା ଘଟଣା: ପଢାଖର୍ଚ୍ଚ ଦେବେ ଆନନ୍ଦ ମହିନ୍ଦ୍ରା
ପୁଅକୁ ପରୀକ୍ଷା କେନ୍ଦ୍ରରେ ପହଞ୍ଚାଇବା ପାଇଁ ୧୦୫କିଲୋମିଟର ସାଇକେଲ ଚଳାଇଥିଲେ ବାପା । ଯାହା ଏବେ ସମସ୍ତଙ୍କର ଦୃଷ୍ଟି ଆକର୍ଷଣ କରିଛି । ଏସବୁ ଜଣିବା ପରେ ପୁଅର ସମସ୍ତ ପଢ଼ା ଖର୍ଚ୍ଚ ଉଠାଇବା ପାଇଁ କହିଲେ ଭାରତୀୟ ଅଟୋମୋବାଇଲ୍ କମ୍ପାନିର ମାଲିକ ଆନନ୍ଦ ମହିନ୍ଦ୍ରା । ଅଧିକ ପଢନ୍ତୁ...
ପୁଅର ପରୀକ୍ଷା ପାଇଁ ପିତାଙ୍କ ସାଇକେଲରେ 105 କିଲୋମିଟର ଘଟଣା: ପଢାଖର୍ଚ୍ଚ ଦେବେ ଆନନ୍ଦ ମହିନ୍ଦ୍ରା
ତାଙ୍କର ଏହି ପଦକ୍ଷେପକୁ ସବୁଆଡୁ ପ୍ରଶଂସା ମିଳୁଛି । ଆନନ୍ଦ ମହିନ୍ଦ୍ରା ଟ୍ୱିଟରେ ଲେଖିଛନ୍ତି, ନିଜ ପିଲାଙ୍କ ପାଇଁ ଏକ ସୁବର୍ଣ୍ଣ ଭବିଷ୍ୟତର ସ୍ୱପ୍ନ ଦେଖୁଥିବା ଏହି ପିତାଙ୍କୁ ମୋର ନମସ୍କାର। ଏହିପରି ସ୍ୱପ୍ନ ଦେଶକୁ ଆଗକୁ ବଢ଼ାଏ । ଆମ ସଂଗଠନ ଆଶିଷଙ୍କ ପରବର୍ତ୍ତୀ ଅଧ୍ୟୟନର ଖର୍ଚ୍ଚ ବହନ କରିବ ବୋଲି କହିବା ସହ ଖବରଟିକୁ ଛାପିଥିବା ସାମ୍ବାଦିକଙ୍କୁ ଯୋଗାଯୋଗ କରିବା ପାଇଁ ଟୁଇଟରେ ଜଣାଇଛନ୍ତି । ତେବେ ଏହା ପ୍ରଥମ ନୁହେଁ, ଏହା ପୂର୍ବରୁ ସୋସିଆଲ ମିଡିଆ ମାଧ୍ୟମରେ ଖବର ପାଇ ଆନନ୍ଦ ମହିନ୍ଦ୍ରା ଅନେକଙ୍କୁ ସାହାଯ୍ୟ କରିଛନ୍ତି।
ବାସ୍ତବରେ, ଧର ଜିଲ୍ଲାର ବାଇଦିପୁରା ଗ୍ରାମରେ ରହୁଥିବା ଶୋଭାରାମଙ୍କ ପୁଅ ଆଶିଷ ଦଶମ ଶ୍ରେଣୀର ଛାତ୍ର । ତେବେ ସପ୍ଲିମେଣ୍ଟାରୀ ପରୀକ୍ଷା କେନ୍ଦ୍ର କେବଳ ସମଗ୍ର ଜିଲ୍ଲାରେ କରାଯାଇଥିଲା । କୋରୋନା ସଂକ୍ରମଣ ହେତୁ ବସ୍ ଚାଲୁ ନଥିବା ବେଳେ ଆଶିଷଙ୍କୁ ପରୀକ୍ଷା ଦେବାକୁ ତାଙ୍କ ବାପା ସାଇକେଲରେ 105 କିଲୋମିଟର ଦୂରରେ ଥିବା ପରୀକ୍ଷା କେନ୍ଦ୍ରକୁ ନେଇଥିଲେ। ଆଶିଷଙ୍କ ପିତା ଶୋଭାରାମ କହିଛନ୍ତି ଯେ, ଅର୍ଥ ନ ଥିବାରୁ ତାଙ୍କୁ ସାଇକେଲ ଯୋଗେ ପରୀକ୍ଷା ପାଇଁ ଆସିବାକୁ ପଡିଥିଲା।