ସାନଫ୍ରାନ୍ସିସ୍କୋ: ଲକଡାଉନ ସମୟରେ ବଢି ଚାଲିଛି ଜୁମ ଆପର ଲୋକପ୍ରିୟତା । ଏମିତିରେ ବିଭିନ୍ନ ସୋସିଆଲ ମିଡିଆ କମ୍ପାନୀ ଏହାକୁ ଚ୍ୟାଲେଞ୍ଜ ଦେବାରେ ଲାଗିଛି । ପ୍ରଥମେ ଗୁଗୁଲ ମିଟ ଏହାକୁ ଚ୍ୟାଲେଞ୍ଜ ଦେଇଥିବା ବେଳେ ଏବେ ରେସକୁ ଓହ୍ଲାଇଛି ଫେସବୁକ । ଫେସବୁକର ମେସେଞ୍ଜର ରୁମ୍ସ ସହ ଏବେ ଜୁମକୁ ମିଳିଛି ନୂଆ ଚ୍ୟାଲେଞ୍ଜ । ଜୁମ ଆପ୍ରେ ପ୍ରାୟ 100 ଜଣ ବ୍ୟକ୍ତି ପାର୍ଟିସିପେଟ କରିପାରୁଥିବା ବେଳେ ମେସେଞ୍ଜର ରୁମ୍ସରେ ନାହିଁ କୌଣସି ଲିମିଟ ।
ମେସେଞ୍ଜର ରୁମ୍ସରେ ପ୍ରଥମେ ମେସେଞ୍ଜରକୁ ଯାଇ ଆପଣ ଯେକୌଣସି ଚାଟ ସହ ଏକ ରୁମ କ୍ରିଏଟ କରିପାରିବେ । ଏହାପରେ ଆପଣ ଏହି ଚାଟକୁ ଭିଡିଓ କଲ ରିକ୍ବେଷ୍ଟ ପଠେଇପାରିବେ । ଏହି ଭିଡିଓ କଲ ପାଇଁ ମେସେଞ୍ଜର ରୁମର ଲିଙ୍କ ଆପଣ ନିଜ ଷ୍ଟୋରୀ ଫିଡ, ପର୍ସନାଲ ଓ ଗ୍ରୁପ ଚାଟରେ ଶେୟାର କରିପାରିବେ । ତେବେ ରୁମ କ୍ରିଏଟ କରିବା ସମୟରେ ଆପଣଙ୍କ ଭିଡିଓ କଲ ରିକ୍ବେଷ୍ଟ କିଏ ଦେଖିପାରିବେ, କିଏ ନାହିଁ ତାହା ଆପଣ ସିଲେକ୍ଟ କରିପାରିବେ ।
ଏହି ମେସେଞ୍ଜର ରୁମ୍ସର ଆଉ ଏକ ପ୍ଲସ ପଏଣ୍ଟ ହେଉଛି କି ଏହାକୁ ଆପଣ ନିଜ ଫୋନ ଓ କମ୍ପ୍ୟୁଟର ଉଭୟରେ ଆକ୍ସେସ କରିପାରିବେ । ଏଥିପାଇଁ ଆପଣଙ୍କୁ ଅନ୍ୟ କୌଣସି ଅଧିକ ଆପ୍ ଡାଉନଲୋଡ କରିବାକୁ ହେବ ନାହିଁ । ଏଥିପାଇଁ ଫେସବୁକ ଆକାଉଣ୍ଟ ଥିବାର ମଧ୍ୟ ଆବଶ୍ୟକତା ନାହିଁ । ବର୍ତ୍ତମାନ ଏହି ସର୍ଭିସ ୟୁଏସରେ ଲଞ୍ଚ ହେବାକୁ ଥିବା ବେଳେ ଆଗାମୀ ଦିନରେ ଏହା ବିଶ୍ବରେ ଅନ୍ୟ ରାଷ୍ଟ୍ରମାନଙ୍କରେ ଲଞ୍ଚ ହେବ ।
ଏନେଇ ଫେସବୁକ ସିଇଓ ମାର୍କ ଜ୍ୟୁକରବର୍ଗ ଏକ ଲାଇଭ ବ୍ରୋଡକାଷ୍ଟରେ ସୂଚନା ଦେଇ ସ୍ପଷ୍ଟ କରିଛନ୍ତି । ମେସେଞ୍ଜର ରୁମ ଜୁମ ପରି ଏକ 360 ଡିଗ୍ରୀର ଆପ୍ । ଏଥିରେ 14ଟି ନୂଆ କ୍ୟାମେରା ଫିଲ୍ଟର ରହିବ । ଯାହା ୟୁଜର୍ସଙ୍କ ଫେସ ଓ ସ୍ପେଶ ଉଭୟକୁ ବ୍ରାଇଟ କରିବାରେ ସାହାଯ୍ୟ କରିବ । କୋରୋନା ସମୟରେ ୱାର୍କ ଫ୍ରମ ହୋମ ଚାଲିଥିବାରୁ ବଢୁଛି ଭିଡିଓ କଲ ଓ ଭିଡିଓ କନଫରେନ୍ସର ବ୍ୟବହାର । ଏନେଇ ଫେସବୁକ ଲଞ୍ଚ କରିବାକୁ ଯାଉଛି ଏହି ନୂଆ ଫିଚର । ଯାହା ଜୁମ ଆପକୁ କଡା ଟକ୍କର ଦେବ ନିଶ୍ଚୟ ।
