ମୁମ୍ବାଇର ଏକ କାରଖାନାରେ ଅଗ୍ନିକାଣ୍ଡ, 8 ମୃତ

ମହାରାଷ୍ଟ୍ରର ପାଲଘର ସ୍ଥିତ ଏକ କେମିକାଲ କାରଖାନାରେ ଭୀଷଣ ଅଗ୍ନିକାଣ୍ଡ ଘଟି 8 ଜଣଙ୍କର ମୃତ୍ୟୁ ହୋଇଛି । ଅଧିକ ପଢନ୍ତୁ...

ମୁମ୍ବାଇ: ମହାରାଷ୍ଟ୍ରର ପାଲଘରସ୍ଥିତ ଏକ କେମିକାଲ କାରଖାନାରେ ଭୀଷଣ ଅଗ୍ନିକାଣ୍ଡ ଘଟିଛି । ଘଟଣାରେ 8 ଜଣଙ୍କ ମୃତ୍ୟୁ ଘଟିଥିବା ବେଳେ ଅନେକ ଆହତ ହୋଇଥିବା ଜଣାପଡିଛି । କାରଖାନାଟି ମୁମ୍ବାଇରୁ 100 କିମି ଦୂରରେ ପାଲଘର ବୋଇସରର କୋଲବାଡେଗ୍ରାମରେ ଥିବା ମହାରାଷ୍ଟ୍ର ଶିଳ୍ପ ବିକାଶ ନିଗମର ଶିଳ୍ପାଞ୍ଚଳରେ ଅବସ୍ଥିତ ।

ତେବେ ଅଗ୍ନିକାଣ୍ଡ ପରେ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାର ପ୍ରୟାସ କରୁଛନ୍ତି । ସେପଟେ ଆହତଙ୍କୁ ଉଦ୍ଧାର କରି ସ୍ଥାନୀୟ ଡାକ୍ତରଖାନାକୁ ନିଆଯାଉଛି । ସନ୍ଧ୍ୟା 7ଟା 20 ମିନିଟ ସମୟରେ ହୋଇଥିବା ବିସ୍ଫୋରଣଟି ଏତେ ଭୟାନକ ଥିଲା ଯେ ପ୍ରାୟ ୧୫ କିମି ପର୍ଯ୍ୟନ୍ତ ଏହାର ଶବ୍ଦ ଶୁଣାଯାଇଥିଲା । ତେବେ ଏହି କାରଖାନାର ନାମ ଏବଂ କ୍ଷୟକ୍ଷତି ସମ୍ପର୍କରେ ଏବେ ସୁଦ୍ଧା ଜଣା ପଡିନାହିଁ ।