ଗାନ୍ଧୀନଗର: ବର୍ଷର ପ୍ରଥମ ସୂର୍ଯ୍ୟପରାଗ । ଏଥର ରାଜସ୍ଥାନ ଓ ହରିୟାଣାରେ ସମ୍ପୂର୍ଣ୍ଣ ସୂର୍ଯ୍ୟପରାଗ ଦେଖିବାକୁ ମିଳିବ । ଏହାସହ ଗୁଜୁରାଟରେ ମଧ୍ୟ ଏହି ବିରଳ ବଳୟ ସୂର୍ଯ୍ୟପରାଗ 70 ପ୍ରତିଶତ ଦେଖିବାକୁ ମିଳିଛି । ଦେଶର ବିଭିନ୍ନ ପ୍ରାନ୍ତରେ ସୂର୍ଯ୍ୟପରାଗ ଦେଖାଯିବା ସହ ଉତ୍ତର ଭାରତରେ ରାଜସ୍ଥାନ, ହରିୟାଣା ଏବଂ ଉତ୍ତରାଖଣ୍ଡର କେତେକ ଅଂଶରେ, ସୂର୍ଯ୍ୟ ଏକ ଅଙ୍ଗୁରୀୟ ପରି ଦେଖାଯାଇଥିଲେ ।
ଗାନ୍ଧୀନଗରରେ ସୂର୍ଯ୍ୟପରାଗ ପ୍ରଭାବ
ଗୁଜୁରାଟରେ ସୂର୍ଯ୍ୟ 70 ପ୍ରତିଶତ ଆଚ୍ଛାଦିତ ହୋଇଥିବା ଜଣାପଡିଛି । ଏହି ଆଂଶିକ ସୂର୍ଯ୍ୟ ଗ୍ରହଣ 10.03 ରେ ଆରମ୍ଭ ହୋଇଥିଲା । ସର୍ବାଧିକ ପ୍ରଭାବ ସକାଳ 11.42 ରେ ଦେଖାଯାଇ ଅପରାହ୍ନ 1.32 ରେ ସମାପ୍ତ ହେଲା । ଏହାସହ ପାଗ ମଧ୍ୟ ଏହି ସମୟ ଭିତରେ ମେଘୁଆ ରହିଥିଲା ।