ନୂଆଦିଲ୍ଲୀ: ଆଜି ଘୋଷଣା ହୋଇପାରେ ବିହାର ବିଧାନସଭାର ନିର୍ବାଚନୀ ତାରିଖ । ଏନେଇ ନିର୍ବାଚନ ଆୟୋଗ ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଡକାଯାଇଛି । ତିନୋଟି ପର୍ଯ୍ୟାୟରେ ହୋଇପାରେ ବିହାର ନିର୍ବାଚନ । ଗତ ବର୍ଷ ପାଞ୍ଚ ପର୍ଯ୍ୟାୟରେ ଅନୁଷ୍ଠିତ ହୋଇଥିଲା ନିର୍ବାଚନ । ଏଥର ଦୀପାବଳି ପୂର୍ବରୁ ବିଧାନସଭା ଗଠନ ହୋଇପାରେ । 243 ବିଧାନସଭା ଆସନ ପାଇଁ କାର୍ଯ୍ୟକାଳ ଅକ୍ଟୋବର 29, 2020 ରେ ଶେଷ ହେବାକୁ ଯାଉଛି । ମହାମାରୀ ବ୍ୟାପିବା ହେତୁ ଏଥର କମ୍ ପର୍ଯ୍ୟାୟରେ ଏହି ମତଦାନ ହେବ ବୋଲି ଆଶା କରାଯାଉଛି ।
ଚଳିତ ବର୍ଷର ବିହାର ବିଧାନସଭା ନିର୍ବାଚନ ଦେଶର ଗଣତାନ୍ତ୍ରିକ ଇତିହାସରେ ସବୁଠାରୁ ଭିନ୍ନ, ଅନନ୍ୟ ଏବଂ ଆହ୍ବାନପୂର୍ଣ୍ଣ ରହିବ । କୋରୋନା ସଙ୍କଟରେ ନିର୍ବାଚନ ନ କରିବାକୁ ବିରୋଧୀ ବିରୋଧ କରିଥିଲେ , କିନ୍ତୁ ନିର୍ଦ୍ଧାରିତ ସମୟରେ ନିର୍ବାଚନ କରାଯିବ ବୋଲି ଆୟୋଗ ପକ୍ଷରୁ ଘୋଷଣା କରାଯାଇଥିଲା । ଗତ ମାସରେ କୋରୋନା ଭାଇରସ୍ ବିସ୍ତାର ହେତୁ ବିହାର ବିଧାନସଭା ନିର୍ବାଚନକୁ ସ୍ଥଗିତ ରଖିବାକୁ ଏକ ଆବେଦନ କରିବାକୁ ସୁପ୍ରିମକୋର୍ଟ ମନା କରିଦେଇଥିଲେ ।