ମହାମାରୀ ସମୟରେ ନିର୍ବାଚନ ପ୍ରଚାର ନେଇ ଚିନ୍ତାରେ ନିର୍ବାଚନ ଆୟୋଗ, ଲୋଡିଲେ ସବୁ ଦଳ ପରାମର୍ଶ

କୋରୋନା ମହାମାରୀ ସମୟରେ ନିର୍ବାଚନ ପ୍ରଚାରକୁ ନେଇ ଚିନ୍ତାରେ ନିର୍ବାଚନ ଆୟୋଗ । କିଭଳି ହେବ ନିର୍ବାଚନ ପ୍ରଚାର ? କିପରି ହେବ ସାଧାରଣ ସଭା ? ସେନେଇ ଆୟୋଗ ପକ୍ଷରୁ ସମସ୍ତ ଦଳର ମତାମତ ଲୋଡାଯାଇଛି । ଅଧିକ ପଢନ୍ତୁ...

ନୂଆଦିଲ୍ଲୀ: କୋରୋନା ମହାମାରୀ ସମୟରେ ନିର୍ବାଚନ ପ୍ରଚାରକୁ ନେଇ ଚିନ୍ତାରେ ନିର୍ବାଚନ ଆୟୋଗ । କିଭଳି ହେବ ନିର୍ବାଚନ ପ୍ରଚାର ? କିପରି ହେବ ସାଧାରଣ ସଭା ? ଏପରି କିଛି ପ୍ରଶ୍ନର ଉତ୍ତର ପାଇଁ ଜାତୀୟ ଓ ଆଞ୍ଚଳିକ ଦଳମାନଙ୍କ ଠାରୁ ପରାମର୍ଶ ଲୋଡିଛନ୍ତି ନିର୍ବାଚନ ଆୟୋଗ ।

ଜାତୀୟ ଓ ଆଞ୍ଚଳିକ ଦଳଗୁଡିକ କିପରି ଏହାକୁ ପରିଚାଳନା କରିବେ, ଏନେଇ ସେମାନଙ୍କ ଆଭିମୁଖ୍ୟ କଣ ଏସବୁର ତଥ୍ୟ ଦେବାକୁ ନିର୍ବାଚନ କମିଶନ କହିଛନ୍ତି । ଏହାସହ ଏବାବଦରେ ଦଳ ଗୁଡିକ ନିଜର ପରାମର୍ଶ ଦେବାକୁ ମଧ୍ୟ କୁହାଯାଇଛି ।

ତେବେ ପରାମର୍ଶ ଦେବାର ଶେଷ ତାରିଖ ଜୁଲାଇ 31 ତାରିଖ ରଖାଯାଇଛି । ଏହି ସମୟ ମଧ୍ୟରେ ନିର୍ବାଚନ ପରିଚାଳନା ଓ ପ୍ରଚାର ଆଦି ପ୍ରସଙ୍ଗରେ ନିଜ ନିଜର ଆଭିମୁଖ୍ୟ ସ୍ପଷ୍ଟ କରିବା ସହ ପରାମର୍ଶ ଦେବାକୁ ଆୟୋଗ ପକ୍ଷରୁ କୁହାଯାଇଛି ।

ମଧ୍ୟପ୍ରଦେଶରେ ଉପନିର୍ବାଚନ ହେବାକୁ ଥିବାବେଳେ ବିହାରରେ ବିଧାନସଭା ନିର୍ବାଚନ ହେବ । ଯାହାକୁ ଦୃଷ୍ଟିରେ ରଖି କିପରି ପ୍ରଚାର କରାଯିବ ସେନେଇ ଆୟୋଗ ପକ୍ଷରୁ ସମସ୍ତ ଦଳର ମତାମତ ଲୋଡାଯାଇଛି ।

ସୂଚନାଥାଉକି, ଦେଶରେ କୋରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ବର୍ତ୍ତମାନ ସୁଦ୍ଧା ଦେଶରେ ମୋଟ ସଂକ୍ରମିତଙ୍କ ସଂଖ୍ୟା 10,38,716 । ସେହିପରି ମୃତ୍ୟୁ ସଂଖ୍ୟା 26,273 । ଅନ୍ୟପଟେ 6,53,751 ଜଣ ସୁସ୍ଥ ହୋଇ ଘରକୁ ଫେରିଥିବାବେଳେ 3,58,692 ଜଣ ସୁସ୍ଥ ହୋଇଛନ୍ତି ।

@ANI