ଝାଡଖଣ୍ଡ ଓ ପଶ୍ଚମିବଙ୍ଗରେ ମୃଦୁ ଭୂମିକମ୍ପ

ରବିବାର ଝାଡଖଣ୍ଡ ଓ ପଶ୍ଚମିବଙ୍ଗର ବିଭିନ୍ନ ସ୍ଥାନରେ ଅନୁଭୂତ ହୋଇଛି ମୃଦୁ ଭୂମିକମ୍ପ। ଏହି ଭୂକମ୍ପର ତୀବ୍ରତା 4.8 ରହିଥିବା ଭାରତୀୟ ପାଣିପାଗ ବିଭାଗ ପକ୍ଷରୁ ଜଣାପଡ଼ଛି ।

କୋଲକାତା/ ରାଞ୍ଚି: ରବିବାର ଝାଡଖଣ୍ଡ ଓ ପଶ୍ଚମିବଙ୍ଗର ବିଭିନ୍ନ ସ୍ଥାନରେ ଦେଖାଦେଇଛି ମୃଦୁ ଭୂମିକମ୍ପ। ପଶ୍ଚିମବଙ୍ଗର ବାଙ୍କୁଡ଼ା, ପୁରୁଲିଆ, ଦୁର୍ଗାପୁର ଓ ବର୍ଦ୍ଧାନ ଅଞ୍ଚଳରେ ଆଜି ସକାଳେ ମୃଦୁ ଭୂମିକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲରେ ଭୂମିକମ୍ପର ମାତ୍ରା ୪.୮ ରହିଥିବା ଭାରତୀୟ ପାଣିପାଗ ବିଭାଗ (ଆଇଏମଡି) ସୂଚନା ଦେଇଛି।

ରବିବାର ସକାଳ ୧୦ଟା ୩୯ ମିନିଟରେ ଏହି ଭୂକମ୍ପ ହୋଇଥିଲା। ଅନ୍ୟପଟେ ଝାଡଖଣ୍ଡରେ ଗିରିଡି, ଜମତାରା ଏବଂ ଡୁମକାରେ ମଧ୍ୟ ଅନୁଭୂତ ହୋଇଥିଲା ଭୂମିକମ୍ପ। ହେଲେ ଏଥିରେ କୌଣସି କ୍ଷତି ହୋଇନଥିବା ସୂଚନା ରହିଛି।