ଗୌହାଟୀ: ଆସାମର ଗୌହାଟୀ ସ୍ଥିତ ମାଲିଗାଁଓ ଅଞ୍ଚଳରେ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି । 2 ଜଣ ଛାତ୍ରୀ ଏକ ଅଟୋରେ କଲେଜରୁ ଘରକୁ ଫେରୁଥିବା ସମୟରେ କିଛି ଦୁର୍ବୃତ୍ତ ଜୋର ଜବରଦସ୍ତ ତାଙ୍କୁ ଡ୍ରଗ୍ସ ଇଞ୍ଜେକସନ ଦେଇଥିଲେ । ଯାହାଦ୍ବାରା ଉଭୟ ଛାତ୍ରୀ ଭୟଭୀତ ହୋଇ ଅଟୋରୁ ତଳକୁ ଡେଇଁ ପଡିଥିଲେ । ଉଭୟ ଅଟୋରୁ ପଡି ଗୁରୁତର ହୋଇଥିବାବେଳେ ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି ।
ଭିଡିଓ ସୌଜନ୍ୟ: ବ୍ୟୁରୋ ରିପୋର୍ଟ, ଇଟିଭି ଭାରତ ସୂଚନା ମୁତାବକ, 2 ଜଣ ପାଣ୍ଡୁ କଲେଜରେ ଛାତ୍ରୀ । ଚଳନ୍ତା ଗାଡିରୁ ଡେଇଁପଡିବା ଯୋଗୁଁ ଆଉ ଡ୍ରଗ୍ସ ଇଞ୍ଜେକ୍ସନ ହେତୁ ଜଣଙ୍କ ଅବସ୍ଥା ଗୁରୁତର ଥିବା ବେଳେ ଅନ୍ୟଜଣଙ୍କ ଦେହରେ ଗଭୀର ଆଘାତ ଲାଗିଛି । ଏନେଇ ସ୍ଥାନୀୟ ଅଞ୍ଚଳରେ ଅପ୍ରିତିକର ପରିସ୍ଥିତି ସୃଷ୍ଟି ହୋଇଛି । ପରିବାର ଲୋକଙ୍କ ପକ୍ଷରୁ ଥାନାରେ ଅଭିଯୋଗ ଦିଆଯାଇଥିବା ସତ୍ତ୍ବେବର୍ତ୍ତମାନ ସୁଦ୍ଧା ପୋଲିସ ଅଭିଯୁକ୍ତଙ୍କୁ ଗିରଫ କରିପାରିନାହିଁ । ଘଟଣାରେ ଅଟୋ ଡ୍ରାଇଭରକୁ ଅଟକ ରଖାଯାଇ ପଚରା ଉଚରା ଜାରି ରଖିଛି ପୋଲିସ ।
