ବଞ୍ଚିଲା ମାଲିକ ଜୀବନ, ସାପ କାମୁଡାରେ ଗଲା ପୋଷା କୁକୁର ପ୍ରାଣ

ସାପ କାମୁଡାରେ ଗଲା ପୋଷା କୁକୁର ପ୍ରାଣ । ମାଲିକଙ୍କୁ ମିଳିଲା ନୂଆ ଜୀବନ । ଅଧିକ ପଢନ୍ତୁ...

ହାଇଦ୍ରାବାଦ: କୁହାଯାଏ ମଣିଷ ଠାରୁ ଅଧିକ ବିଶ୍ବସ୍ତ କୁକୁର । ଆଉ ଏହାକୁ ପ୍ରମାଣିତ କରି ଦେଖାଇଛି ତେଲେଙ୍ଗାନା ଖମ୍ମମର କିଶୋରଙ୍କ ପୋଷା କୁକୁର । ନିଜ ମାଲିକକୁ ବିଷାକ୍ତ ସାପ କାମୁଡାରୁ ରକ୍ଷା କରିବା ପାଇଁ ନିଜ ଜୀବନକୁ କରିଛି ଉତ୍ସର୍ଗ ।

ଖମ୍ମମ ଜିଲ୍ଲାର କାଲୁରରେ ଘଟଣା ଏହି ଘଟିଛି। ଆରଏମପି କିଶୋର ଶୋଇଥିବା ବେଳେ ସାପଟି ଘର ଭିତରକୁ ପଶିଆସିଥିଲା । ଘରେ ଥିବା ପୋଷା କୁକୁର ଆଖିରେ ପଡିଥିଲା ସାପ । ମାଲିକଙ୍କ ଜୀବନ ପ୍ରତି ବିପଦଥିବା ଭାବି ସାପ ସହ ଲଢିଥିଲା କିନ୍ତୁ ଶେଷରେ ସାପ କାମୁଡାରେ ହାରି ଯାଇଥିଲା ଏହି ପୋଷା କୁକୁରଟି ।

କୁକୁରର ଚିତ୍କାର ଶୁଣି କିଶୋର ଉଠି ସାପଟିକୁ ବାଡିରେ ମାରିଦେଇଥିଲେ । ପୋଷା କୁକୁରକୁ ପ୍ରାଣୀ ଚିକିତ୍ସକଙ୍କ ନିକଟକୁ ନେଇଥିଲେ । କିନ୍ତୁ ରାସ୍ତାରେ ହିଁ କୁକୁରଟିର ମୃତ୍ୟୁ ଘଟିଛି । ପୋଷା କୁକୁରକୁ ହରାଇ ଭାଙ୍ଗି ପଡିଛି କିଶୋରଙ୍କ ପରିବାର । ଏହାସହ ତାର ସାହାସକୁ ପ୍ରଶଂସା ମଧ୍ୟ କରିଛନ୍ତି ।