ଭୋପାଳ: ମଧ୍ୟପ୍ରଦେଶ ଜବାଲପୁର ଜିଲ୍ଲା ସହଜପୁରୀ ଗାଁର ଭଗବାନ ଦିନ । ସେ ଜଣେ ଦିବ୍ୟାଙ୍ଗ । ତାଙ୍କର 80 ପ୍ରତିଶତ ଗୋଡ ଓ ହାତ ନାହିଁ । ଦିବ୍ୟାଙ୍ଗ ହେଲେ ମଧ୍ୟ ମନୋବଳକୁ ଦୃଢ କରି ଅନ୍ୟମାନଙ୍କ ପାଇଁ ପାଲଟିଛନ୍ତି ଉଦାହରଣ । ଦିର୍ଘ 4 ବର୍ଷ ଧରି ଗାଁ ବିଦ୍ୟାଳୟରେ ଅତିଥି ଶିକ୍ଷକ ଭାବରେ ପିଲା ମାନଙ୍କୁ ସେ ପାଠ ପଢାଉଛନ୍ତି । ଶିକ୍ଷକତା ସହିତ ଗୁଜୁରାଣ ମେଣ୍ଟାଇବା ପାଇଁ ସେ ବେଳେବେଳେ ହାଲୁକା କାମ ଓ ଗାଡି ପମ୍ପଚର ମାରନ୍ତି ।
ପିଲାଙ୍କୁ ପାଠ ପଢାଇ ବେଶ ଖୁସିଥିବା କହନ୍ତି ଭଗବାନ
ଭଗବାନଙ୍କର ମୂଳଲକ୍ଷ୍ୟ କୁନିକୁନି ପିଲାଙ୍କୁ ଶିକ୍ଷାଦାନ କରିବା । ଖାଲି ଶିକ୍ଷକତା କାହିଁକି ସମସ୍ତ କାର୍ଯ୍ୟ କରିବାରେ ସେ ବେଶ ଧୁରନ୍ଧର । ପ୍ରତ୍ୟେକ ଦିନ ସକାଳୁ ଉଠି ନିଜର ନିତ୍ୟକର୍ମ ସାରି ସଠିକ୍ ସମୟରେ ସେ ବିଦ୍ୟାଳୟରେ ପହଞ୍ଚି ଯାଆନ୍ତି ।