ନୂଆଦିଲ୍ଲୀ: ସାରା ଦେଶରେ ଜାରି ରହିଛି ଗ୍ରୀଷ୍ମ ଲହରୀ । ପ୍ରଚଣ୍ଡ ରୌଦ୍ରତାପରେ ଛଟପଟ ହେଉଛି ଜନଜୀବନ । ହେଲେ ଏହି ତାତିରୁ ତ୍ରାହି ମିଳିବା ବି କଷ୍ଟକର । କାରଣ ପାରଦ ଦିନକୁ ଦିନ ଉପର ମୁହାଁ ହେବାରେ ଲାଗିଛି । ରାଜଧାନୀ ଦିଲ୍ଲୀରେ ବି ପ୍ରଚଣ୍ଡ ଖରା । ଗରମ ଓ ଗୁଳୁଗୁଳିରୁ ଅସ୍ତବ୍ୟସ୍ତ ହୋଇଉଠୁଛି ଜୀବନ । ତେବେ ଆଗାମୀ 2 ଦିନ ଯାଏଁ ରାଜଧାନୀ ବାସୀଙ୍କୁ ଗରମରୁ ଆଶ୍ୱସ୍ତି ମିଳିବା ସମ୍ଭାବନା ରହିଛି ।
ଗୋଟିଏ ସପ୍ତାହ ପୂର୍ବରୁ ସ୍ଥିତି ସ୍ବାଭାବିକ ରହିଥିଲା ମାତ୍ର ସୋମବାର ପାରା 40 ଡିଗ୍ରୀ ପାର ହୋଇଥିଲା । ତେବେ 22 ରୁ 24 ଯାଏଁ ହାଲକା ବର୍ଷା ହେବା ନେଇ ପାଣିପାଗ ବିଭାଗ ଆକଳନ କରିଛି । ସୋମବାର ଦିଲ୍ଲୀର ତାପମାତ୍ରା 40.3 ଡିଗ୍ରୀ ଥିବା ବେଳେ ସର୍ବନିମ୍ନ ତାପମାତ୍ରା 22.8 ଡିଗ୍ରୀ ରହିଥିବା ନେଇ ସୂଚନା ରହିଛି ।