ନୂଆଦିଲ୍ଲୀ: ଫେବୃଆରୀ ମାସରେ ଉତ୍ତର-ପୂର୍ବ ଦିଲ୍ଲୀରେ ସଂଘଟିତ ସାମ୍ପ୍ରଦାୟିକ ହିଂସାରେ ସଂପୃକ୍ତି ଅଭିଯୋଗରେ ଗିରଫ ହୋଇଥିବା ପିଞ୍ଜରା ତୋଡର ସଦସ୍ୟ ନତାଶା ନରୱାଲଙ୍କ ଜାମିନ ଆବେଦନ ଉପରେ ଦିଲ୍ଲୀ ହାଇକୋର୍ଟ ଦିଲ୍ଲୀ ପୋଲିସକୁ ନୋଟିସ ଜାରି କରିଛନ୍ତି । ଏଥିରେ ଜବାବ ଦାଖଲ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ନାଗରିକତା ସଂଶୋଧନ ଅଧିନିୟମ ବିରୋଧୀ ଶୋଭାଯାତ୍ରାରେ ଏହି ହିଂସାକାଣ୍ଡ ହୋଇଥିଲା ।
ଜେଏନୟୁ ଛାତ୍ରୀ ନତାଶା ନରୱାଲଙ୍କ ଜାମିନ ଆବେଦନକୁ ଖାରଜ କରିଦେଇଥିବା ଏକ ଟ୍ରାଏଲ କୋର୍ଟର ଆଦେଶକୁ ଚ୍ୟାଲେଞ୍ଜ କରି ହାଇକୋର୍ଟରେ ଶୁଣାଣି ହୋଇଥିଲା । ଜଷ୍ଟିସ ବିଭୂ ବଖରୁଙ୍କ ଖଣ୍ଡପୀଠ ଦିଲ୍ଲୀ ପୋଲିସକୁ 10 ଦିନ ମଧ୍ୟରେ ଏକ ଷ୍ଟାଟସ୍ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି । ଏହା ସହ ଉକ୍ତ ଅବଧି ମଧ୍ୟରେ ଆବେଦନକାରୀଙ୍କ (ନରୱାଲ)ଙ୍କ ଓକିଲଙ୍କୁ ଏକ କପି ଦେବାକୁ କୋର୍ଟ କହିଛନ୍ତି । ଏହାର ପରବର୍ତ୍ତୀ ଶୁଣାଣୀ ଅଗଷ୍ଟ 26 ରେ କରିବାକୁ ଖଣ୍ଡପୀଠ ସୂଚନା ଦେଇଛନ୍ତି ।