ୟୁପିରେ ପ୍ରବଳ ଶୀତ, ଦିଲ୍ଲୀବାସୀ ସାମାନ୍ୟ ଆଶ୍ବସ୍ତ

ଦିଲ୍ଲୀରେ ସାମାନ୍ୟ ହୋଇଛି ଥଣ୍ଡା। ଲଗାତର ପ୍ରବଳ ଜାଡରେ ଥରୁଥିବା ଦିଲ୍ଲୀବାସୀ ପାଇଛନ୍ତି ସାମାନ୍ୟ ଆଶ୍ବସ୍ତି। ଆଗକୁ ପଢନ୍ତୁ...

ନୂଆଦିଲ୍ଲୀ: ଅସହ୍ୟ ଜାଡରୁ ରାଜଧାନୀ ଦିଲ୍ଲୀକୁ ମିଳିଛି ସାମାନ୍ୟ ତ୍ରାହି। ଗତକାଲି ଅପେକ୍ଷା କମିଛି କିଛି ମାତ୍ରାରେ ଶୀତ। ହେଲେ ଉତ୍ତରପ୍ରଦେଶରେ ବଢିଛି ଶୀତ। କୁହୁଡି ଚାଦରରେ ଘୋଡାଇ ହୋଇ ରହିଛି ସାରା ରାଜ୍ୟ। ଏହା ଯୋଗୁଁ ରେଳ ଏବଂ ବିମାନ ସେବା ମଧ୍ୟ ବାଧାପ୍ରାପ୍ତ ହୋଇଛି।

ୟୁପିରେ ପ୍ରବଳ ଶୀତ

ବର୍ତ୍ତମାନ ଦିଲ୍ଲୀର ତାପମାତ୍ରା ସର୍ବାଧିକ 11 ଡିଗ୍ରୀ ଥିବା ବେଳେ ସର୍ବନିମ୍ନ 3 ଡିଗ୍ରୀ ରହିଛି। ଜାନୁଆରୀ 4 ଯାଏ ଦିଲ୍ଲୀରେ ତାପମାତ୍ରା ବୃଦ୍ଧି ପାଇବା ବୋଲି ଆଜି ଭାରତୀୟ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି। ଏହି ସମୟରେ ଉତ୍ତରପ୍ରଦେଶ କାନପୁରରେ ଆଜି ସକାଳ 7ଟା ସମୟରେ ତାପମାତ୍ରା 0 ଡିଗ୍ରୀ ସେଲସିୟସ ରହିଛି।

ୟୁପିରେ ପ୍ରବଳ ଶୀତ

ଅନ୍ୟପଟେ ଶହେ ବର୍ଷର ରେକର୍ଡ ଭାଙ୍ଗିଛି ଉତ୍ତରପ୍ରଦେଶ ବହରାଇଚ ଏଠାକାର ତାପମାତ୍ର 0.2 ରହିଛି। 1913 ମସିହା ଡିସେମ୍ବର 29 ତାରିଖରେ ତାପମାତ୍ରା 1.7 ଡିଗ୍ରୀ ସେଲସିୟସ ରହିଥିଲା।