ନୂଆଦିଲ୍ଲୀ:ସମ୍ବରରୁ ବାହାରିଲା ଝିଟିପିଟି । ନୂଆଦିଲ୍ଲୀର ଥିବା ଫୁଡଚେନ ଭାବେ ଜଣାଶୁଣା ସାରାଭନା ଭବନ ରେସ୍ତୋରାଁରେ ଏଭଳି ଘଟଣା ଘଟିଛି । ଜଣେ ବ୍ୟକ୍ତିଙ୍କ ସମ୍ବର ପ୍ଲେଟରୁ ଝିଟିପିଟି ମିଳିଥିବା ଦେଖିବାକୁ ମିଳିଛି । ଏନେଇ ରେସ୍ତୋରାଁ ବିରୋଧରେ ଏକ ମାମଲା ରୁଜୁ ହୋଇଛି । ସୂଚନା ଅନୁସାରେ, ପଙ୍କଜ ଅଗ୍ରଓ୍ବାଲ ଓ ତାଙ୍କ ତିନି ସାଙ୍ଗ ମିଶି କୋନୋଉଟ ପ୍ଲସରେ ଥିବା ସାରାଭନା ଭବନର ରେସ୍ତୋରାଁକୁ ଖାଇବାକୁ ଯାଇଥିଲେ । ଖାଇବା ପାଇଁ ଦୋଷା ଅର୍ଡର ଦେଇଥିଲେ । ହେଲେ , ଅର୍ଡର କରାଯାଇଥିବା ଦୋଷା ଓ ସମ୍ବରରୁ ମଲା ଝିଟିପିଟି ମିଳିଥିଲା। ଏନେଇ ପଙ୍କଜ ହୋଟେଲ ମ୍ୟାନେଜରଙ୍କୁ ଅଭିଯୋଗ ହୋଇଥିଲା ।କିନ୍ତୁ ହୋଟେଲ କର୍ତ୍ତୃପକ୍ଷ ଏହି ଘଟଣାକୁ ଏତେ ଗୁରୁତ୍ବ ଦେଇ ନଥିଲେ । ଏନେଇ ପଙ୍କଜ ପୋଲିସ ନିକଟରେ ଅଭିଯୋଗ କରିଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ଖାଦ୍ୟର ନମୁନା ସଂଗ୍ରହ କରିବା ସହିତ ମାମଲା ରୁଜୁ କରିଥିଲା । ହେଲେ ଏପର୍ଯ୍ୟନ୍ତ ହୋଟେଲଟି ବନ୍ଦ ହୋଇ ନଥିବା ଜଣାପଡିଛି ।
ସାରାଭନା ଭବନ ରେସ୍ତୋରାଁରେ ଖାଦ୍ୟରୁ ବାହାରିଲା ଝିଟିପିଟି