ନୂଆଦିଲ୍ଲୀ: କାରାଗାର ମୃତ୍ୟୁ ମାମଲାରେ ଗୁଜୁରାଟ କ୍ୟାଡରର ଆଇପିଏସ ଅଧିକାରୀ ସଞ୍ଜୀବ ଭଟ୍ଟଙ୍କୁ ଆଜୀବନ କାରାଦଣ୍ତ ଶୁଣାଇଛନ୍ତି ଜାମନଗର କୋର୍ଟ । ଏହି ମାମଲାରେ ଅନ୍ୟ ଜଣେ ପୁଲିସ ଅଧିକାରୀ ପ୍ରବୀଣ ସିଂହ ଝାଲାଙ୍କୁ ମଧ୍ୟ ଆଜୀବନ କାରାଦଣ୍ଡ ଦିଆଯାଇଛି ।
ବରଖାସ୍ତ ଆଇପିଏସ୍ ସଞ୍ଜୀବ ଭଟ୍ଟଙ୍କୁ ଆଜୀବନ କାରାଦଣ୍ଡ
କାରାଗାର ମୃତ୍ୟୁ ମାମଲାରେ ଗୁଜୁରାଟ କ୍ୟାଡରର ଆଇପିଏସ ଅଧିକାରୀ ସଞ୍ଜୀବ ଭଟ୍ଟଙ୍କୁ ଆଜୀବନ କାରାଦଣ୍ତ ଶୁଣାଇଛନ୍ତି ଜାମନଗର କୋର୍ଟ।
ଫାଇଲ ଫଟୋ
ସୂଚନାଯୋଗ୍ୟ, 1990ରେ ଜାମନଗରରେ ଭାରତ ବନ୍ଦ ଡାକରା ସମୟରେ ଭୀଷଣ ହିଂସା ହୋଇଥିଲେ । ସେହି ସମୟରେ ସଞ୍ଜୀବ ଭଟ୍ଟ ଜାମନଗରରେ ଅତିରିକ୍ତ ପୁଲିସ ଅଧୀକ୍ଷକ ଭାବେ ନିଯୁକ୍ତ ଥିଲେ । ଦଙ୍ଗା ରୋକିବା ପାଇଁ ସେହି ସମୟରେ 133ଜଣଙ୍କୁ ପୋଲିସ ଗିରଫ କରିଥିଲା । ସେମାନଙ୍କ ମଧ୍ୟରୁ 25 ଜଣ ମୁକୁଳିବା ପରେ ଆହତ ହେଇଥିଲେ ଓ ଆଠ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲେ । ସେମାନଙ୍କ ମଧ୍ୟରୁ ଜଣଙ୍କର ଖଲାସ ହେବା ପରେ ପ୍ରଭୁଦାସ ମାଧବଜୀ ବୈଶ୍ରାନୀଙ୍କ ମୃତ୍ୟୁ ହୋଇ ଯାଇଥିଲା ।
ଏହି ଘଟଣା ପରେ ସଞ୍ଜୀବ ଭଟ୍ଟ ଓ ଅନ୍ୟ ପୋଲିସକର୍ମୀଙ୍କ ଉପରେ କେସ୍ ଦାଖଲ କରାଯାଇଥିଲା । ଏହି ଅଭିଯୋଗରେ ତାଙ୍କୁ ୨୦୧୧ରେ ନିଲମ୍ବନ କରାଯାଇଥିଲା । ଏହାପରେ ସେ ବାରମ୍ବାର ନିଜ ଡ୍ୟୁଟିରେ ଅନୁପସ୍ଥିତ ରହୁଥିଲେ । ଏହି ସମୟରେ ସେ ସରକାରୀ ଗାଡିର ଦୁରୁପୋଯୋଗ କରୁଥିବା ଅଭିଯୋଗ ଆସିଥିଲା । ଶେଷରେ 2015ରେ ତାଙ୍କୁ ଚାକିରିରୁ ବରଖାସ୍ତ କରାଯାଇଥିଲା।