ଗୁଜୁରାଟରେ କୋରୋନା ମୃତ୍ୟୁ ସଂଖ୍ୟା 11କୁ ବୃଦ୍ଧି

ଗୁଜୁରାଟରେ ଆଉ ଜଣେ କୋରୋନା ଆକ୍ରାନ୍ତ ମୃତ୍ୟୁ । ଏହାକୁ ମିଶାଇ ଗୁଜୁରାଟରେ ମୋଟ କୋରୋନା ମୃତ୍ୟୁ ସଂଖ୍ୟା 11ରେ ପହଞ୍ଚିଛି ।

ଗାନ୍ଧୀନଗର: ଗୁଜୁରାଟରେ ଆଉ ଜଣେ କୋରୋନା ଆକ୍ରାନ୍ତ ମୃତ୍ୟୁ । ଏହାକୁ ମିଶାଇ ଗୁଜୁରାଟରେ ମୋଟ କୋରୋନା ମୃତ୍ୟୁ ସଂଖ୍ୟା 11ରେ ପହଞ୍ଚିଛି ।

ଏହାଛଡା ଗୁଜୁରାଟରେ 14 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ 122ରେ ପହଞ୍ଚିଛି । ତେବେ ଗୁଜୁରାଟରେ 122ଟି କୋରୋନା ଆକ୍ରାନ୍ତଙ୍କ ମଧ୍ୟରୁ କେବଳ ଅହମ୍ମଦାବାଦର 55 ଆକ୍ରାନ୍ତ ରହିଥିବା ଗୁଜୁରାଟ ସ୍ବାସ୍ଥ୍ୟବିଭାଗ ସୂଚନା ଦେଇଛନ୍ତି ।

ପ୍ରକାଶ ଥାଉକି, ମାରାତ୍ମକ କୋରୋନା ଭାଇରସ ସମଗ୍ର ବିଶ୍ବରେ ଆତଙ୍କ ଖେଳାଇଛି । ବର୍ତ୍ତମାନ ସୁଦ୍ଧା ଭାରତରେ 3374 କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ 77 କୋରୋନା ଆକ୍ରାନ୍ତଙ୍କ ମୃତ୍ୟୁ ଘଟିଛି ।