ପିଏମ ରିଲିଫ ପାଣ୍ଠିକୁ ଦେଢ କୋଟି ଦେଲେ ଝାଡଖଣ୍ଡ କୋର୍ଟର ବିଚାରପତି

କୋରୋନା ମୁକାବିଲା ପାଇଁ ପ୍ରଧାନମନ୍ତ୍ରୀ ରିଲିଫ ପାଣ୍ଠିକୁ ସହାୟତା ରାଶି ପ୍ରଦାନ କଲେ ବିଚାରପତି, ଜୁଡିସିଆଲ୍ ଅଧିକାରୀ ଏବଂ ରାଜ୍ୟର ନ୍ୟାୟିକ ଅଧିକାରୀମାନେ । ଅଧିକ ପଢନ୍ତୁ...

ରାଞ୍ଚି: ସାରା ଦେଶରେ କୋରୋନା ତାର କାୟା ବିସ୍ତାର କରିଛି । ଏପର୍ଯ୍ୟନ୍ତ 46 ହଜାରରୁ ଅଧିକ ଲୋକ ସଂକ୍ରମିତ ହୋଇଛନ୍ତି । 15ଶହ 66 ଲୋକଙ୍କର ମୃତ୍ୟୁ ହୋଇଛି । ଏହି ଭାଇରସର ବିସ୍ତାରକୁ ରୋକିବା ପାଇଁ କୋରୋନା ୱାରିୟର୍ସ ଦିନରାତି କାର୍ଯ୍ୟ କରୁଛନ୍ତି । ଏଥି ସହିତ ଅନେକ ଶିଳ୍ପପତି, ଅଭିନେତା, ବିଭିନ୍ନ ଅନୁଷ୍ଠାନ ମାନେ ପିଏମ କେୟାର ଫଣ୍ଡକୁ କୋଟି କୋଟି ଟଙ୍କା ଦାନ କରିଛନ୍ତି ।

ଝାଡଖଣ୍ଡ କୋର୍ଟର ବିଚାରପତିମାନେ ପିଏମ ରିଲିଫ ପାଣ୍ଠିକୁ ଦେଲେ ଦେଢ କୋଟି ଟଙ୍କା

ସେହିପରି ଝାଡଖଣ୍ଡ ହାଇକୋର୍ଟର ବିଚାରପତି, ଜୁଡିସିଆଲ୍ ଅଧିକାରୀ ଏବଂ ରାଜ୍ୟର ନ୍ୟାୟିକ ଅଧିକାରୀମାନେ ସେମାନଙ୍କ ଦରମାରୁ ଦେଢ କୋଟି ଟଙ୍କା ସଂଗ୍ରହ କରି ସୋମବାର ପିଏମ କେୟାର୍ସ ପାଣ୍ଠିକୁ ଦାନ କରିଛନ୍ତି ।

ହାଇକୋର୍ଟର ମୁଖପାତ୍ର କହିଛନ୍ତି ଯେ, ବିଚାରପତି, ହାଇକୋର୍ଟ ଏବଂ ନିମ୍ନ ଅଦାଲତର କର୍ମଚାରୀ ଏବଂ ରେଜିଷ୍ଟ୍ରି କାର୍ଯ୍ୟାଳୟର କର୍ମଚାରୀମାନେ 1.5 କୋଟିରୁ ଅଧିକ ଟଙ୍କା ପିଏମ କେୟାର ଫଣ୍ଡକୁ ଦାନ କରିଛନ୍ତି । ସେ କହିଛନ୍ତି ଯେ ପିଏମ କେୟାର ଫଣ୍ଡ ପାଇଁ ତାଙ୍କ ଦରମାଠାରୁ ସମସ୍ତେ ଏହି ରାଶି ସଂଗ୍ରହ କରିଛନ୍ତି ।