ନୂଆଦିଲ୍ଲୀ: ଦିଲ୍ଲୀରେ କୋରୋନା ସଂକ୍ରମଣ ସ୍ଥିତି ସାଙ୍ଘାତିକ ସ୍ତରରେ ପହଞ୍ଚିଛି । ତୃତୀୟ ପର୍ଯ୍ୟାୟ ସଂକ୍ରମଣ ଯୋଗୁଁ ପୁଣି ଥରେ ଲକଡାଉନ ଲାଗୁ କରାଯିବା ନେଇ ଚର୍ଚ୍ଚା ଜୋର ଧରିଲା । ହେଲେ ଏହି ଆକଳନ ଉପରେ ପୂର୍ଣ୍ଣଚ୍ଛେଦ ପକାଇଛନ୍ତି ଦିଲ୍ଲୀର ସ୍ବାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ ।
ସ୍ବାସ୍ଥ୍ୟମନ୍ତ୍ରୀଙ୍କ ଅନୁସାରେ, ରାଜଧାନୀରେ ପୁଣି ଥରେ ଲକଡାଉନ ଲାଗୁ କରାଯିବ ନାହିଁ । ହେଲେ କେତେକ ଜନଗହଳି ସ୍ଥାନର କିଛି ଅଞ୍ଚଳରେ ପ୍ରତିବନ୍ଧକ ଲଗାଯାଇପାରେ । କାରଣ ଜନଗହଳି ସ୍ଥାନରେ ମହାମାରୀ ମାରାତ୍ମକ ରୂପ ନେଇ ପାରେ ବୋଲି ମନ୍ତ୍ରୀ କହିଛନ୍ତି । ଲକଡାଉନର ଅନୁଭୂତିରୁ ଶିକ୍ଷା ନେଇ ସାରିଛୁ । ତେଣୁ ଏହାକୁ ପୁଣି ଥରେ ଦୋହାରାଯିବ ନାହିଁ । ମାତ୍ରାଧିକ ଟେଷ୍ଟ କରାଯାଉଥିବାରୁ ମାମଲାରେ ବୃଦ୍ଧି ଘଟିଛି ।