ଜୟପୁର: ଦେଶମାତୃକାର ସେବା ପାଇଁ କେତେ ଯବାନ ନିଜ ଜୀବନର ଅର୍ଘ୍ୟ ଢାଳିଛନ୍ତି ତାହାର କଳନା କରିବା କଷ୍ଟକର । ହେଲେ ଏହି ଯବାନମାନଙ୍କ ସ୍ମୃତି ପାଇଁ ଦେଶରେ ନାହିଁ ଗୋଟିଏ ବି ଶକ୍ତି ସ୍ମାରକ ସ୍ଥଳ । ଯାହାର ସ୍ଥାନ ପୂରଣ କରିବା ପାଇଁ ଖୁବଶୀଘ୍ର ରାଜସ୍ଥାନରେ ପ୍ରତିଷ୍ଠା ହେବାକୁ ଯାଉଛି ସୈନ୍ୟ ଶକ୍ତି ସ୍ମାରକ ସ୍ଥଳ । ଜିଲ୍ଲା ମୁଖ୍ୟାଳୟରୁ ମାତ୍ର 10 କିଲୋମିଟର ଦୂରରେ ସ୍ଥିତ ଦୋରାସର ଗାଁରେ ଏହି ସ୍ମାରକ ସ୍ଥଳ ପ୍ରତିଷ୍ଠା ହେବାର ଯୋଜନା ରହିଛି ।
ଖୁବଶୀଘ୍ର ପ୍ରତିଷ୍ଠା ହେବ ଦେଶର ପ୍ରଥମ ‘ସୈନ୍ୟ ଶକ୍ତି ସ୍ମାରକୀ ସ୍ଥଳ’
ଏହି ସ୍ମାରକ ସ୍ଥଳରେ 42 ଯବାନଙ୍କ ପ୍ରତିମୂର୍ତ୍ତି ପାଇଁ 22ଟି ବ୍ଲକ ପ୍ରସ୍ତୁତ କରାଯାଇଛି । ତେବେ ଏହି ପ୍ରତିମୂର୍ତ୍ତି ଜରିଆରେ ଯୁଦ୍ଧର 12ଟି ପୋଜିସନ ଦର୍ଶାଯାଇଛି । ଏଥିସହ ପ୍ଲାଜା ଅଫ ଫ୍ରିଡମର ମଧ୍ୟଭାଗରେ ଅମର ଯବାନ ଜ୍ୟୋତିର ପ୍ରତୀକ ଲଗା ଯିବାର ଯୋଜନା ରହିଛି । ପ୍ରାୟ 4.5 କୋଟି ଟଙ୍କା ବିନିମୟରେ ପ୍ରସ୍ତୁତ ହେଉଥିବା ଏହି ସ୍ମାରକ ସ୍ଥଳରେ 13500 ବର୍ଗ ଫୁଟର ପ୍ଲାଜା ଅଫ ଫ୍ରିଡମ ପ୍ରସ୍ତୁତ କରାଯାଇଛି ।