ଥିରୁଅନନ୍ତପୁରମ: ଏବେ ଦେଶବାସୀଙ୍କୁ କୋରୋନା ଭୟଭୀତ କରି ରଖିଛି । ଏହି ଭାଇରସର ନାଁ ଶୁଣିଲା ବେଳକୁ ଲୋକଙ୍କ ଅବସ୍ଥା ସାଂଘାତିକ ହୋଇଯାଉଛି । ତେବେ ଏଭଳି ଏକ ଘଡିସନ୍ଧି ମୁହୂର୍ତ୍ତରେ କେରଳର ଏକ ଲୁଗା ଦୋକନ ସମସ୍ତଙ୍କୁ ତା ଆଡକୁ ଆକର୍ଷିତ କରୁଛି ।
ସୂଚନା ଅନୁସାରେ, ଏହି ଲୁଗା ଦୋକାନଟି କେରଳର ମୁଭାତୁପୁଜାହା ଗାଁରେ ରହିଛି । ଯାହା କୋଚୀ ଠାରୁ 40 କିଲୋମିଟର ଦୂରରେ ଅବସ୍ଥିତ । ତେବେ ପରେଡ ନାମକ ବ୍ୟକ୍ତି ଏହି ଲୁଗା ଦୋକାନ କରିଥିବା ବେଳେ ଏହାର ସମ୍ପୂର୍ଣ୍ଣ ନାମ 'କୋରେନା ପେରେଡ୍' ରହିଛି ।
ଏହି ଭାଇରସ ଆସିବା ପରଠୁ ଦୋକାନର ନାଁ ଖୁବ୍ ପ୍ରସିଦ୍ଧି ଲାଭ କରିଛି । ଏହି ଦୋକାନର ନାଁ ଦେଖିବା ପରେ ସମସ୍ତେ ଦୋକାନ ସାମ୍ନାରେ ଭିଡ ଜମେଇବା ସହ ସେଲଫି ନେଉଛନ୍ତି ବୋଲି ଦୋକାନୀ କହିଛନ୍ତି । ଏପରିକି ଲୋକମାନେ ଟ୍ରେନରୁ ବାହାରିବା ପରେ କିଛି ସମୟ ପାଇଁ ଅଟକି ନାଁଟିକୁ ଧ୍ୟାନର ସହ ପଢୁଛନ୍ତି ।
ତେବେ ଡିକ୍ସିନାରୀରେ ଏହି ନାଁଟିକୁ ପଢିବା ସମୟରେ ଦୋକାନୀ ଜଣଙ୍କୁ ନାଁ ବହୁତ ପସନ୍ଦ ଆସିଥିବାରୁ ସେ ଏପରି ନାମକରଣ କରିଥିଲେ ବୋଲି କହିଛନ୍ତି । ହେଲେ କୋରୋନା ଭାଇରସ ଆସିବା ପରଠୁ ଦୋକାନରେ ପ୍ରବେଶ କରିବା ପୂର୍ବରୁ ଗ୍ରାହକଙ୍କୁ ହ୍ୟାଣ୍ଡ ସାନିଟାଇଜର ଦେବା ସହ ବିଭିନ୍ନ ସତର୍କତା ଗ୍ରହଣ କରାଯାଉଛି ।