ଲକ୍ଷ୍ନୌ: ଖାକିର ଦମ ଦେଖାଇ ଓ କ୍ଷମତାର ଅପବ୍ୟବହାର କରିବା ମହଙ୍ଗା ପଡିଛି ପ୍ରୟାଗରାଜର ପୋଲିସ ଏସଆଇ ସୁମିତ ଆନନ୍ଦଙ୍କୁ । ଜିପ୍ ଚକାତଳେ ପରିବାକୁ ଦଳି ଚକଟି ନଷ୍ଟ କରିବା ଅଭିଯୋଗରେ ତାଙ୍କୁ ନିଲମ୍ବିତ କରାଯାଇଛି। ତେବେ ନୀରିହ ପରିବା ବିକ୍ରେତାଙ୍କ ଉପରେ ପୋଲିସ ବାବୁଙ୍କ ଏପରି ହାକିମାତିକୁ ଦୃଢ ନିନ୍ଦା କରାଯିବା ସହ ବିଭାଗ ତରଫରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।
ସୂଚନା ଅନୁସାରେ, ଗୁରୁବାର ଘୋରପୁରର ଦ୍ବି ସାପ୍ତାହିକ ବଜାରରେ ପରିବା ବଜାର ବସିଥିଲା। ହେଲେ ନିୟମ ଅନୁସାରେ ଏହା ବୁଧବାର ଓ ଶୁକ୍ରବାର ଅନୁଷ୍ଠିତ ହେବାର ଥିଲା। ଯାହାକୁ ନେଇ ଏସଆଇ ଜଣକ ବିକ୍ରେତାଙ୍କୁ ସ୍ଥାନ ଛାଡିକି ଯିବାକୁ କହିବା ସହ ରାଗିକି ଏପରି କାଣ୍ଡ ଭିଆଇଥିଲେ।