ଏସପି-ବିଏସପି ମେଣ୍ଟକୁ ଝଟକା, ମେଣ୍ଟରେ ମିଶିବାକୁ କଂଗ୍ରେସର ନା

କଂଗ୍ରେସକୁ ମେଣ୍ଟରେ ସାମିଲ କରାଇବା ପାଇଁ ଏସପି-ବିଏସପି ମେଣ୍ଟର ନେତା ପ୍ରୟାସ କରୁଛନ୍ତି ବୋଲି ଜଣାପଡିଛି । ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ରାଜନୀତିରେ ପ୍ରବେଶ ପରେ ୟୁପିର ରାଜନୈତିକ ସମୀକରଣରେ ପରିବର୍ତ୍ତନ ଆସିଛି । ଏହାକୁ ଲକ୍ଷ୍ୟ କରି ଏସପି-ବିଏସପିର ନେତାମାନେ କଂଗ୍ରେସକୁ ମେଣ୍ଟରେ ସାମିଲ କରିବାକୁ ଲାଗି ପଡିଛନ୍ତି।

ଲକ୍ଷ୍ନୌ: ପୁଣିଥରେ ୟୁପିରେ ମହାମେଣ୍ଟ ଗଢିବାର ସ୍ବପ୍ନକୁ ଲାଗିଲା ଝଟକା । ମେଣ୍ଟରେ ସାମିଲ ହେବାକୁ କଂଗ୍ରେସ କଲା ମନା । ସମାଜବାଦୀ ପାର୍ଟି(ଏସପି) ଓ ବହୁଜନ ସମାଜବାଦୀ ପାର୍ଟି(ବିଏସପି)ର ମେଣ୍ଟ କଂଗ୍ରେସର ଆସନ ସଂଖ୍ୟା ୨ରୁ ବୃଦ୍ଧି କରି ୯ କରିଥିଲେ କିନ୍ତୁ ଏଥିରେ ରାଜି ହେଲାନି କଂଗ୍ରେସ ।

ଏହି ବିଫଳତା ପରେ ମଧ୍ୟ କଂଗ୍ରେସକୁ ମେଣ୍ଟରେ ସାମିଲ କରାଇବା ପାଇଁ ଏସପି-ବିଏସପି ମେଣ୍ଟର ନେତା ପ୍ରୟାସ କରୁଛନ୍ତି ବୋଲି ଜଣାପଡିଛି । ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ରାଜନୀତିରେ ପ୍ରବେଶ ପରେ ୟୁପିର ରାଜନୈତିକ ସମୀକରଣରେ ପରିବର୍ତ୍ତନ ଆସିଛି । ଏହାକୁ ଲକ୍ଷ୍ୟ କରି ଏସପି-ବିଏସପିର ନେତାକଂଗ୍ରେସକୁ ମେଣ୍ଟରେ ସାମିଲ କରିବାକୁଲାଗି ପଡିଛନ୍ତି ।

ଏସପି-ବିଏସପି ମେଣ୍ଟ ଦେଇଥିବା ଆସନରେ ସନ୍ତୁଷ୍ଟ ନୁହଁ କଂଗ୍ରେସ । କଂଗ୍ରେସ ଅଧିକ ଆସନ ଦାବି କରୁଛି । ଏହାପୂର୍ବରୁ ଏହି ମେଣ୍ଟ କଂଗ୍ରେସ ପାଇଁ ୨ଟି ମାତ୍ର ଆସନ ଛାଡିଥିଲା । ବର୍ତ୍ତମାନ କଂଗ୍ରେସକୁ ୯ଟି ଆସନ ଦେବା ରାଜି ହୋଇଛି ମେଣ୍ଟ । କିନ୍ତୁ କଂଗ୍ରେସ ସେମାନଙ୍କ ଅଫରକୁ ମନା କରିଦେଇଛି । କଂଗ୍ରେସ ମହାସଚିବ ପଦରେ ନିଯୁକ୍ତ ହେବା ପରେ ପ୍ରିୟଙ୍କା ଗାନ୍ଧୀ ୟୁପିରେ କ୍ରମାଗତ ଗସ୍ତ କରୁଛନ୍ତି । ଏହାସହ ସଙ୍ଗଠନକୁ ଦୃଢ କରିବା ପାଇଁ କାର୍ଯ୍ୟକର୍ତ୍ତା ଓ ନେତାଙ୍କ ସହ ଦିନରାତି ବୈଠକ କରୁଛନ୍ତି । ଏହାଫଳରେ ୟୁପିର ରାଜନୈତିକ ସମୀକରଣରେ ପରିବର୍ତ୍ତନ ଦେଖାଦେଇଛି।