ଚନ୍ଦ୍ରବାବୁଙ୍କ ସହ ସ୍ୱର ମିଳାଇଲେ ରାହୁଲ

ଆନ୍ଧ୍ରକୁ ସ୍ୱତନ୍ତ୍ର ରାଜ୍ୟ ପାହ୍ୟା ପ୍ରଦାନ ଦାବିରେ ଟିଡିପି ସହ ସ୍ୱର ମିଳାଇଲା କଂଗ୍ରେସ । ଦିଲ୍ଲୀରେ ଦିନିକିଆ ଅନଶନର ବସିଥିବା ଟିଡିପି ସୁୁପ୍ରିମୋଙ୍କ ସମାବେଶକୁ ଯାଇ ରାହୁଲ ସମର୍ଥନ କରିବା ସହ କେନ୍ଦ୍ରରେ ଶାସକ ଦଳ ବିଜେପି ଉପରେ ଜୋରଦାର ବର୍ଷିଛନ୍ତି।

ନୂଆଦିଲ୍ଲୀ: ଆନ୍ଧ୍ର ପ୍ରଦେଶକୁ ସ୍ୱତନ୍ତ୍ର ରାଜ୍ୟ ପାହ୍ୟା ପ୍ରଦାନ ଦାବିରେ ଆନ୍ଧ୍ର ମୁଖ୍ୟମନ୍ତ୍ରୀଙ୍କ ସ୍ୱର ମିଳାଇଲେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ। ପ୍ରଧାନମନ୍ତ୍ରୀ ସ୍ୱତନ୍ତ୍ର ରାଜ୍ୟ ପାହ୍ୟ ପ୍ରଦାନ କରିବାକୁ ପ୍ରତିଶୃତି ଦେଇଥିଲେ। ହେଲେ ସେ ନିଜେ ଏହାକୁ ପୁରଣ କରୁନାହାନ୍ତି । ତେଣୁ ସେ ପ୍ରଧାନମନ୍ତ୍ରୀ ପଦର ଗାରିମା ନଷ୍ଟ କରିଥିବା ରାହୁଲ କହିଛନ୍ତି।

ଦିଲ୍ଲୀର ଆନ୍ଧ୍ରଭବନ ଆଗରେ ଦିନିକିଆ ଉପବାସରେ ବସି 'ଧର୍ମ ପୋରତ ଦୀକ୍ଷା' ପାଳନ କରୁଛନ୍ତି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ। ସ୍ୱତନ୍ତ୍ର ରାଜ୍ୟ ମାନ୍ୟତା ଦାବିରେ କେନ୍ଦ୍ରର ଆଭିମୁଖ୍ୟକୁ ବିରୋଧ କରି ଦିନିକିଆ ଉପବାସରେ ବସି ପ୍ରତିବାଦ କରୁଛନ୍ତି। ଏହି ଧାରଣାରେ ଟିଡିପି ସମେତ ମୋଦି ବିରୋଧୀ ଦଳ ଓ ନେତା ମଧ୍ୟ ସାମିଲ ହୋଇଛନ୍ତି।