ନୂଆଦିଲ୍ଲୀ: ଚାଷୀଙ୍କ ପାଇଁ ବାହାରିଲା କଂଗ୍ରେସ । ଜାନୁଆରୀ 26 ତାରିଖରେ ଦିଲ୍ଲୀରେ ହୋଇଥିବା ହିଂସାକାଣ୍ଡରେ ଗିରଫ ଚାଷୀ ଓ ସାମ୍ବାଦିକଙ୍କୁ ଆଇନଗତ ସୁବିଧା ଦେବ କଂଗ୍ରେସ । ଏନେଇ ମଙ୍ଗଳବାର ଦଳ ନିଷ୍ପତ୍ତି ନେଇଛି ।
ଚାଷୀଙ୍କୁ ଜେଲରୁ ମୁକାଳିବା ପାଇଁ ଯାହା ଆଇନଗତ ସହାୟତା ଦରକାର ତାହା ଦଳ ପକ୍ଷରୁ କୃଷକଙ୍କୁ ଯୋଗାଇ ଦିଆଯିବ ବୋଲି ଦଳ ପକ୍ଷରୁ କୁହାଯାଇଛି । ରାଜ୍ୟସଭା ସଦସ୍ୟ ବିବେକ ଟଙ୍ଖାଙ୍କ ଅଧ୍ୟକ୍ଷତାରେ ଅନୁଷ୍ଠିତ କଂଗ୍ରେସ ଆଇନ ସାମୁଖ୍ୟର ବୈଠକରେ ଏପରି ନିଷ୍ପତ୍ତି ହୋଇଛି । ଏହି ବୈଠକରେ ଦିଲ୍ଲୀ, ପଞ୍ଜାବ, ହରିୟାଣା ଓ ଉତ୍ତରପ୍ରଦେଶର ଆଇନ ସାମୁଖ୍ୟର ସଦସ୍ୟ ମାନେ ଉପସ୍ଥିତ ଥିଲେ ।