ବେଙ୍ଗାଲୁରୁ: ହନୁମାନ ଚାଳିଶା ଗାଇ ରେକର୍ଡ ସୃଷ୍ଟିକଲେ ଜଣେ ଛାତ୍ରୀ । ଏହି ଛାତ୍ରୀ ଜଣକ କେବଳ ହନୁମାନ ଚାଳିଶା ଗାଇ ନୁହେଁ ବରଂ ଗୋଟିଏ ମିନିଟ୍ 10 ସେକେଣ୍ଡ ମଧ୍ୟରେ ହନୁମାନ ଚାଳିଶା ଗାଇ ଇଣ୍ଡିଆ ବୁକ୍ ଅଫ୍ ରେକର୍ଡର ଅଧିକାରୀ ହୋଇଛନ୍ତି । କୋରୋନା ଲକଡାଉନବେଳେ ଛାତ୍ରୀ ଜଣକ ସମୟ ଅପଚୟ ନ କରି ସବୁଦିନ ହନୁମାନ ଚାଳିଶା ଗାଇ ବର୍ତ୍ତମାନ ଇଣ୍ଡିଆ ବୁକ୍ ଅଫ୍ ରେକର୍ଡରେ ସ୍ଥାନ ପାଇଛନ୍ତି ।
ତେବେ କର୍ଣ୍ଣାଟକ ଚିକାମାଙ୍ଗାଲୁର ବିଜୟପୁରାର ଜି ତନ୍ମୟୀ ବଶିଷ୍ଠ ନାମକ ଜଣେ 13 ବର୍ଷର ଝିଅ ହନୁମାନ ଚାଳିଶା ଗାଇ ରେକର୍ଡ ସୃଷ୍ଟି କରିଛନ୍ତି । ତନ୍ମୟୀ ଚିକାକୁଲମ ତାଲୁକର କେନ୍ଦ୍ରୀୟ ବିଦ୍ୟାଳୟରେ ଅଷ୍ଟମ ଶ୍ରଣୀରେ ପାଠପଢନ୍ତି । ସମୟ ଅପଚୟ ନକରି ତନ୍ମୟୀ ସବୁବେଳେ କିଛି ନା କିଛି କରିଥାନ୍ତି । କୋରୋନା ଲକଡାଉନ ସମୟରେ ସେ ହନୁମାନ ଚାଳିଶା ଅଭ୍ୟାସ କରିବା ସାଙ୍ଗକୁ ଚିତ୍ରାଙ୍କନ, କବିତା ଆବୃତ୍ତି ଆଦି କରୁଥିଲେ । ତେବେ ତନ୍ମୟୀ ଅତି ସରଳ ଭାବେ ଏବଂ ବହୁତ କମ୍ ସୟମ ମଧ୍ୟରେ ହନୁମାନ ଚାଳିଶା ଗାଇ ଏହି ରେକର୍ଡ ଲାଭ କରିଛନ୍ତି । ଅନ୍ୟପଟେ ତନ୍ମୟୀ ମଧ୍ଯ ଏହାପୂର୍ବରୁ ଅନେକ ଜିଲ୍ଲାସ୍ତରୀୟ ପ୍ରତିଯୋଗିତାରେ ଆଓ୍ବାର୍ଡ ପାଇଛନ୍ତି ।