ଛଠ ପର୍ବ: ଚନ୍ଦ୍ରଯାନ-2ରେ ବିରାଜିଛନ୍ତି ସୂର୍ଯ୍ୟ ଭଗବାନ

ପଡୋଶୀ ଝାଡଖଣ୍ଡର ଧନବାଦର ସମସ୍ତ ସ୍ଥାନରେ ଛଠ ପୂଜାକୁ ନେଇ ଉତ୍ସାହ ଦେଖାଯାଇଛି । ଅନେକ ଘାଟରେ ସୂର୍ଯ୍ୟ ପ୍ରତିମା ପ୍ରସ୍ତୁତ କରାଯାଇ ବ୍ରତଧାରୀଙ୍କ ଦ୍ବାରା ପୂଜାପାଠ କରାଯାଉଛି। ତେବେ ଧନବାଦରେ କିଛି ଭିନ୍ନ ଢଙ୍ଗରେ ପାଳନ କରାଯାଉଛି ଛଠ ପର୍ବ। ଅଧିକ ପଢନ୍ତୁ...

ରାଞ୍ଚି: ଭାରତୀୟ ଅନ୍ତରୀକ୍ଷ ଅନୁସନ୍ଧାନ ସଙ୍ଗଠନ(ଇସ୍ରୋ) ଦ୍ବାରା ଚନ୍ଦ୍ରଯାନ-2ର ପରୀକ୍ଷଣ କରାଯାଇଥିଲା । ଏଥିରେ ବୈଜ୍ଞାନିକଙ୍କୁ ପୂର୍ଣ୍ଣ ସଫଳତା ମିଲିନଥିଲା ସତ, କିନ୍ତୁ ଦେଶରେ ଲୋକେ, ନିଜର ଦେଶର ବୈଜ୍ଞାନିକଙ୍କ ଏହି ସଫଳତାକୁ ଭୂରିଭୂରି ପ୍ରଂଶସା କରିଥିଲେ। ତେବେ ଚନ୍ଦ୍ରଯାନ-2ର ଝଲକ ଛଠ ପୂଜା ଅବସରରେ ଦେଖିବାକୁ ମିଳିଛି।

ଝାଡଖଣ୍ଡ ଧନବାଦର ବାଘମାରାର ଭୀମକେନାଲ ଚୌଧୁରୀ ପୋଖରୀ କୂଳରେ ଆସ୍ଥା ଓ ବିଶ୍ବାସର ମହାନ ପର୍ବ ଛଠ ପୂଜାରେ ଚନ୍ଦ୍ରଯାନ-2 ଆକାରରେ ଏକ ପୂଜା ପେଣ୍ଡାଲ ପ୍ରସ୍ତୁତ କରାଯାଇଛି । ଏଥିରେ ତ୍ରୀରଙ୍ଗା ମଧ୍ୟ ଲଗାଯାଇଛି । ଯେଉଁଥିରେ ସୂର୍ଯ୍ୟଙ୍କର ପ୍ରତିମା ରଖାଯାଇ ବ୍ରତଧାରୀ ପୂଜାର୍ଚ୍ଚନା କରୁଛନ୍ତି।

ଉକ୍ତ ଅଞ୍ଚଳର ଲୋକେ ଏଭଳି ପେଣ୍ଡାଲକୁ ସ୍ବାଗତ କରିଛନ୍ତି। ପୋଖରୀ ନିକଟରେ ବ୍ରତଧାରୀଙ୍କୁ କୌଣସି ଅସୁବିଧା ନହେଉ ସେନେଇ ସମସ୍ତ ବ୍ୟବସ୍ଥା କରାଯାଇଛି। ଭୀମକେନାଲ ଛଠ କମିଟିର ସଦସ୍ୟ କହିଛନ୍ତି ଯେ, ଚନ୍ଦ୍ରଯାନ-2ର ପେଣ୍ଡାଲ ପ୍ରସ୍ତୁତ କରିବାର ଉଦ୍ଦେଶ୍ୟ ହେଉଛି ଇସ୍ରୋ ବୈଜ୍ଞାନିକଙ୍କ ମନୋବଳକୁ ଦୃଢ କରିବା।