ନୂଆଦିଲ୍ଲୀ: ମହାମାରୀ କୋରୋନା ଭାଇରସର ଟୀକାକୁ ନେଇ ବଡ ବୟାନ ଦେଇଛନ୍ତି କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡାକ୍ତର ହର୍ଷବର୍ଦ୍ଧନ । ଆସନ୍ତା ବର୍ଷ ପ୍ରାରମ୍ଭରେ ଭାରତରେ ଭ୍ୟାକ୍ସିନ ପହଞ୍ଚିବାର ସମ୍ଭାବନା ରହିଥିବା ହର୍ଷବର୍ଦ୍ଧନ ସୂଚନା ଦେଇଛନ୍ତି ।
ହର୍ଷବର୍ଦ୍ଧନ କହିଛନ୍ତି, ଏକାଧିକ ଉତ୍ସରୁ ଏହି ଟୀକା ଉପଲବ୍ଧ ହେବ । ଭାରତରେ ଭ୍ୟାକ୍ସିନ ପରୀକ୍ଷାର ଟ୍ରାଏଲ ଅଟକି ଥିବାବେଳେ ସ୍ବାସ୍ଥ୍ୟମନ୍ତ୍ରୀ ଏପରି ବୟାନ ଦେଇଛନ୍ତି ।
ମନ୍ତ୍ରୀ କହିଛନ୍ତି ଯେ ଆମେ ଆଶା କରୁଛୁ ଆସନ୍ତା ବର୍ଷ ଆରମ୍ଭ ସୁଦ୍ଧା ଦେଶରେ ଟିକା ଏକରୁ ଅଧିକ ଉତ୍ସରୁ ମିଳିବ। ଆମର ବିଶେଷଜ୍ଞମାନେ ଦେଶରେ ଟୀକା ବଣ୍ଟନ ଯୋଜନା କରିବାକୁ ଏକ ରଣନୀତି ପ୍ରସ୍ତୁତ କରିସାରିଛନ୍ତି। କାହାକୁ ପ୍ରଥମେ ଟୀକା ଦିଆଯିବ ଏନେଇ ଆଲୋଚନା କରାଯାଉଛି ।
ମଙ୍ଗଳବାର ଏକ କାର୍ଯ୍ୟକ୍ରମରେ ସ୍ବାସ୍ଥ୍ୟମନ୍ତ୍ରୀ କହିଛନ୍ତି ଯେ ଏହି ଟୀକା ପାଇଁ ଆମର 40 ଜଣଙ୍କୁ ବିଭିନ୍ନ ସ୍ତରରେ କ୍ଲିନିକାଲ ପରୀକ୍ଷଣରେ ଅଛି ଏବଂ ସେମାନଙ୍କ ମଧ୍ୟରୁ 10 ଜଣ ତୃତୀୟ ପର୍ଯ୍ୟାୟରେ ଅଛନ୍ତି। ଟୀକା କେତେ ସୁରକ୍ଷିତ ତାହା ସେମାନେ ଆମକୁ କହିବେ। ବିଶ୍ବ ସ୍ବାସ୍ଥ୍ୟ ସଙ୍ଗଠନ ମୁଖ୍ୟ ବୈଜ୍ଞାନିକ ସୋମ୍ୟା ସ୍ବାମୀନାଥନ କହିଛନ୍ତି ଯେ 2020 ଶେଷ କିମ୍ବା ଆସନ୍ତା ବର୍ଷ ଆରମ୍ଭରେ ଏକ ଟିକା ପଞ୍ଜୀକରଣ ପାଇଁ ପ୍ରସ୍ତୁତ ହେବ।
ଏହାପୂର୍ବରୁ ସ୍ବାସ୍ଥ୍ୟମନ୍ତ୍ରୀ କହିଥିଲେ ଯେ ଆସନ୍ତା ବର୍ଷ ଜୁଲାଇ ସୁଦ୍ଧା 25 କୋଟି ଲୋକଙ୍କୁ ଟୀକା ଦେବା ପାଇଁ ଯୋଜନା ରହିଛି। ଭାରତ ସରକାରଙ୍କ ଲକ୍ଷ୍ୟ ହେଉଛି ଜୁଲାଇ 2021 ସୁଦ୍ଧା 25 କୋଟି ଲୋକଙ୍କୁ ଟୀକାକରଣ ବ୍ୟବସ୍ଥା ଉପଲବ୍ଧ ହେବା ଉଚିତ। ଟିକା ପ୍ରସ୍ତୁତ ହେବା ପରେ ଟିକାକରଣ ଯୋଜନା କରାଯାଉଛି ବୋଲି ସେ କହିଛନ୍ତି।
