ଜୟପୁର: ମର୍ମନ୍ତୁଦ ସଡକ ଦୁର୍ଘଟଣାରେ 9 ମୃତ । ରାଜସ୍ଥାନର ଭିଲୱାଡାରେ ଏକ ବିବାହ କାର୍ଯ୍ୟକ୍ରମରେ ସାମିଲ ହୋଇ ଫେରୁଥିବାବେଳେ ବସକୁ ଅଟୋ ଓଭରଟେକ କରି ଦୁର୍ଘଟଣାର ସମ୍ମୁଖୀନ ହୋଇଛି ।
ରାଜସ୍ଥାନରେ ମର୍ମନ୍ତୁଦ ସଡକ ଦୁର୍ଘଟଣାରେ 9 ମୃତ୍ୟୁ
ସୂଚନା ଅନୁଯାୟୀ ରାଜସ୍ଥାନର ଭିଲୱାଡା ସହରର ଏକ କ୍ରୁଜର ଅଟୋରେ ବାହାରି କୋଟା ଜିଲ୍ଲାର ରାମଗଞ୍ଜ ଜିଲ୍ଲାରେ ବିବାହ କାର୍ଯ୍ୟରେ ଯୋଗଦେଇଥିଲେ । ରାତିରେ ଫେରୁଥିବାବେଳେ ଅଟୋ ଡ୍ରାଇଭରଙ୍କ ଖରାପ ଗାଡି ଚାଳନା ଯୋଗୁଁ ଏକ ବସକୁ ଓଭରଟେକ କରୁଥିବା ସମୟରେ ଧକ୍କା ଦେଇଥିଲା ଏବଂ ରାସ୍ତା ତଳକୁ ଖସିପଡିଥିଲା । ବସ ମଧ୍ୟ ଭାରସାମ୍ୟ ହରାଇ ଅନିୟନ୍ତ୍ରିତ ଭାବରେ ରାସ୍ତା ତଳକୁ ଖସି ପଡିଥିଲା । ଫଳରେ ଘଟଣାସ୍ଥଳରେ 9 ଜଣଙ୍କ ମୃତ୍ୟୁ ଘଟିଛି । ଯେଉଁଥିରେ 5 ଜଣ ପୁରୁଷ ହୋଇଥିବାବେଳେ 3 ମହିଳା ଓ 1 ବାଳିକା ମୃତ୍ୟୁ ବରଣ କରିଛନ୍ତି ।