ନିଜକୁ ଗୁଳି କଲେ ବିଏସଏଫ ହେଡ କନଷ୍ଟେବଳ

ଶନିବାର ସକାଳେ ଛତିଶଗଡ ସଙ୍ଗମ କ୍ୟାମ୍ପ ନିକଟରେ ନିଜକୁ ଗୁଳି କରି ଆତ୍ମହତ୍ୟା କରିଛନ୍ତି ବିଏସଏଫର 157 ତମ ବାଟାଲିୟନର ହେଡ କନଷ୍ଟେବଳ ।

ରାୟପୁର: ନିଜକୁ ଗୁଳି କରି ଆତ୍ମହତ୍ୟା କଲେ ବିଏସଏଫ ହେଡ କନଷ୍ଟେବଳ । ଶନିବାର ସକାଳେ ଛତିଶଗଡ କାଂକେର ଜିଲ୍ଲାର ସଙ୍ଗମ କ୍ୟାମ୍ପ ନିକଟରେ ନିଜକୁ ଗୁଳି କରି ଆତ୍ମହତ୍ୟା କରିଛନ୍ତି ବିଏସଏଫର 157 ତମ ବାଟାଲିୟନର ହେଡ କନଷ୍ଟେବଳ । ଏନେଇ ସୂଚନା ଦେଇଛନ୍ତି ବିଏସଏଫ ଅଧିକାରୀ ।

ବିଏସଏଫ ଅଧିକାରୀଙ୍କ ସୂଚନା ଅନୁସାରେ, ଶନିବାର ଭୋର ପ୍ରାୟ 4.30 ସମୟରେ ସଙ୍ଗମ କ୍ୟାମ୍ପଠାରୁ 200 ମିଟର ଦୂରରେ ସୁରେଶ କୁମାର ନାମକ ଜଣେ 49 ବର୍ଷୀୟ ବିଏସଏଫ ହେଡ କନଷ୍ଟେବଳ ନିଜକୁ ଏକେ47 ରେ ଗୁଳି କରି ଆତ୍ମହତ୍ୟା କରିଥିଲେ । ତେବେ ସୁରେଶ ହରିୟାଣା ସୋନିପଥର ବାସିନ୍ଦା ବୋଲି ଜଣାପଡିଛି । ତାଙ୍କ ଆତ୍ମହତ୍ୟାର କାରଣ ଅସ୍ପଷ୍ଟ ଥିବାବେଳେ ସେ ସକାଳେ କ୍ୟାମ୍ପକୁ ଫେରୁଥିବା ବେଳେ ଆତ୍ମହତ୍ୟା କରିଥିବା ଅଧିକାରୀ କହିଛନ୍ତି ।